Aldeia Haat iha Suku Gugleur Lahetan Direitu Subsídiu Uma-Kain

Fahe Tutan

Naunul Media (Díli), Xefe Suku Gugleleur, Guido Ramos, deklara nia la satisfas ho polítika governu kona-ba rekuperasaun ekonómia família nian kada uma-kain hetan U$200.00, tanba ninia komunidade iha aldeia haat mak lahetan direitu subsídiu.

“Momentu submete dokumentu ne’e aldeia sanulu resin ida, maibé iha fali pagamentu aldeia haat mak naran laiha no aldeia hitu mak hetan”, Xefe Suku Gugleur, Guido Ramos, ba jornalista sira hafoin hato’o lamentasaun ne’e ba iha iha Ministériu Solidaridade Sosiál no Inkluzaun (MSSI), Vila Verde, Kinta (23/07).

Xefe Suku Gugleur, Guido, relata aldeia 4 ne’ebe lahetan direitu pagamentu ne’e ho totál númeru uma-kain 346.

“Husu ba Governu bele atu responde eh rezolve lalais preokupasaun ne’e tanba liga ho povulasaun nia nesesidade”,  tenik xefe suku ne’e.

Iha fatin hanesan Diretor Jeral (MSSI), Rui Manuel Expostu, hatan ba preokupasaun ne’e, hateten dadaun ne’e Governu iha hela faze verifikasaun reklamasaun, tanba ne’e direitu sei la lakon maibé tenki regista.

“Agora halo hela verifikasaun ba reklamasaun kuaze munisipiu 12 inklui mos RAEOA lakon hotu, laos suku Gugleur deit, dadus sira hatama ne’e husi xefe aldeia ba xefe suku, xefe Suku ba Administradór Postu, Administradór ba Munisipiu no kontinua ba Ministériu Administrasaun Estatal pois mak sira halo karta mai ami. Naran sira lakon, ami ladun hatene tanba liu husi faze hira tiha mak to’o mai”.

Suku Gugleur hola parte iha Postu Administrativu Maubara, Munusípiu Liquiçá. Ejm1

Leave a Reply

Your email address will not be published.