BNCTL Sei Oferese Kreditu ba ANAPROFIKO-TL
Naunil Media (Díli), Diretór ezekutivu Banku Nasional Komersiu Timor-Leste (BNCTL-Sigla Português), Brigido de Sousa, informa BCNTL sei oferese kreditu ba Asosiasaun Nasionál Produtór Fini Komersiál-Timor-Leste (ANAPROFIKO-TL) ba atividade produsaun fini.
“Em prinsípiu ha’u bele dehan Banku disponibiliza nian apoiu kreditu ba kualker atividade negósiu ne’ebé mak legál. Hanesan asosiasaun (ANAPROFIKO-TL) ba atividade podusaun fini sira ne’ebé asosiasaun sira hala’o, depende ba asosiasaun nia proposta ba BNCTL”, Diretór ezekutivu BNCTL, Brigido de Sousa, ba jornalista sira hafoin hala’o sorumutuk ho Prezidente ANAPROFIKO-TL, Ilidio Mau-Tercha Mendonça , iha Timor Plaza, Kinta (23/07).
Direjente BNCTL ne’e hatete, atu asesu ba kreditu ne’e, depende prosposta husi ANAPROFIKO-TL ba BNCTL.
“Depende fila-fali ba ANAPROFIKO-TL nian planu ba negósiu atividade saida mak asosiasaun implementa”, teniak Diretór ezekutivu BNCTL, Brigido de Sousa.
Iha sorin seluk, Prezidente ANAPROFIKO-TL Ilidio Mau-Tercha Mendonca, informa ANAPROFIKO-TL moris iha tinan 2007, sai hanesan grupu agrikultór ida iha Timor-Leste to’o ohin loron membru asosiasaun iha Munisípiu 13 no durante ne’e produz ona fini hanesan haree, batar, fore keli, ai-farina no fehuk.
“Depois de misaun ANAPROFIKO-TL mak prepara fini ba moris iha tinan 2015 to’o 2016 mobiliza grupo sira ne’e ita sai ba asosiasaun ida ba grupo 880 harii ANAPROFIKU-TL. Durante ne’e ANAPROFIKO-TL distribui fini diretamente ba Ministériu Agrikultór no Peskas”. Dehan Ilidio. Leo
