PM-UPF Volantariamente Konstrui Uma Komunidade
Naunil Média (Díli), Polisia Militár (PM) ho Unidade Patrolhamentu Fronteira (UPM), Hamutuk ho ekipa tekniku Volontariamente konstrui um aba komunidade sira iha, Aldeia Tolan TCL23, Suku Vatugade, Postu Administrativu Balibo, Munisipiu Bobonaro.
Planu PM-UPM hari’i uma ne’e atu dignifika komunidade vulneravel sira iha aspetu seguransa sosiál.
“ Ita nia intensaun atu fasilita de’it komunidade sira ne’ebé merese duni hetan tulun, Hanesan Timor-oan iha responsabilidade morál atu ajuda malu, Liu hosi kbi’it ho forsa ne’ebé iha,” Dehan Komadante UPF, Supertedente Polisia, Euclides Belo, ne’ebé www.naunil.com. Asesu iha pagina ofisiál Ministeriu Interior (MI), Kuarta, (26/01).
Nia haktuir, Maske apoiu ne’e, ki’ik maibe UPF-PM kontinua servisu hamutuk presta servisu baziku ba komunidade sira no garante seguransa ba sidadaun atu sira aproveita hodi dezenvolve moris no envolve sira nia a’an iha moris ba dezenvolvimentu nasionál.
Komadante ne’e esplika, Uma ne’e material konstrusaun hosi parseria Polisia Nasionál Timor-Leste (PNTL), Nune’e tulun keda ba komunidade sira iha suku no aldeia ne’ebe merese hetan.
“ Ekipa konstrusaun uma ne’e hetan apoia hosi ekipa Mama Bolu, Hosi Dr, Sam ho Premiadu Novel da Paz, José Manuél Ramos Horta. Maske ho simples ita buka atu halo uma ne’e ho konfortavel no iha loron rua nia laran komunidade sira bele hela ona.” Haktuir Euclides.
Populasaun sira iha area refere hetan difikuldade ba be’e mos durante tinan naruk nia laran ona. Ho situasaun real ne’e sempre obriga komunidade sira, liu-liu feto no labarik sira tenke la’o kuaze metru atus ba atus hodi ba buka be’e mos.
Ekipa konjunta seguransa rua ne’e nafatin halo servisu vizilansia makaa’as iha fronteira hodi asegura liña fronteira sai fatin seguru ba ema hotu.” Ana
