Lere: Taka Odamatan No Lakohi Hasoru Alkatiri Ne’e Lalos Informasaun “Falsu”

Naunil Média (Díli),  Iha segunda loron (21/03) dadersan Sekretariu Jerál Partidu Frenti Revolusionariu Timor-Leste Indepedente (FRETILIN), Marí Alkatiri, ba halo vizita Kandidatura Prezidente da Repúblika Jenerál Lere Anan Timur iha rezidensia Farol maibé la konsege hasoru malu.

Tuir informasaun ne’ebé espalha iha media sosial liu hosi Jornál no Online katak, Bainhira Sekretariu Jerál FRETILIN Marí Alakateri ba vizita, Kandidatura Prezidente da Repúblika Jenerál Lere Anan Timur iha nia rejidensia maibé la konsege tanba Lere taka odamatan no lakohi simu ne’e lalos.

Nune’e porta vós kandidatura Jenerál Lere Anan Timur klarifia, Vizita kortezia Sekretariu Jerál Marí Alkatiri hanesan supreza ba Jenerál Lere Anan Timur, maibé la konsege.

“ Kona-ba sirkuntasia horiseik vizita kortezia Marí Alkatiri hanesan supreza ida ba Jenerál Lere iha farol, maibé sai fali konfuzaun iha públiku hateten katak Jenerál Lere Taka odamatan lakohi simu Marí, ne’e lalos tanba realidade la’os akontese hanesane,” Dehan Porta Vós Flavio “Udan Bo’ot” ba Jornalista sira liu hosi komunikadu impresa, ne’ebé realiza iha sede nasionál, kandidatura Jenerál Lere Anan Timur, Pantai Kelapa, tersa, (22/03).

Nia haktuir, Lider nain rua ne’e la konsege hasoru malu, realidade la akontese hanesan espalha iha media sosial dehan, Jeneral Lere Anan Timur mak taka odamatan no lakohi simu Marí.

“ Jenerál Lere normalmente hanesan simplesidade hanesan ho nia maluk gerilheiru sira seluk, ema ne’ebé gosta hader sedu, normalmente tuku Jenerál hare tiha ona, horiseik ne’e bainhira hader ba to’o iha Metinaru, tanba durante aktividade kampaña iha loron hirak ne’e nunka ba hare’e to’os, aproveita tempu horseik hadr sedu ba tiha to’os Metinaru atu silu batar, Entaun mais oumenus iha tuku 07 ho balun dader mak Marí mai halo vizita infelismente Jenerál Lere laiha fatin,” Esplika Udan Bo’ot.

Ho ida ne’e mak Lider nain rua ne’e la konsege hasoru malu, La’os dehan taka odamatan ka lakohi simu.

Porta vós ne’e mós, husu deskulpa ba fotografia Sekretariu Jerál Marí Alkatiri nian ne’ebé ema individual espalha iha públiku, atu klarifika lolos katak la’os Jenerál Lere mak lakohi simu maibé hanesan klarfikasaun ona iha leten. 

Nia Akresenta, Iha vizita ne’e Marí Alkatiri ne’e mós laiha komunikasaun ho ekipa susesu kandidatu Jenerál Lere nian.

“ Maibé tuir lolos ekipa hosi Kandidatu Francisco Guterres Lú-Olo, rekonhese ekipa susesu kandidatu Jenerál Lere nian hodi halo komunikasaun ofisial,” Tenik nia.

Ikus liu nia hateten, situasaun ne’e lamentavél tebes maibé fiar katan sei la akontese tan.

Apela mós media hotu labele fiar lia anin ka rumoris sira, ekipa susesu iha fontes atu media sira bele komunika nune’e bele hetan informasaun ho lolos saida akontese. Tanba ita hotu iha orbrigasaun atu kontribui ba situasaun amizavel ba ita nia lider sira, atu sir abele kria relasaun di’ak ba malu. 

Jeneral Lere Anan Timur nakloke ba ema hotu kualker bele ba hasoru li-liu sidadaun babain, satan ho nia Camarada rasik Marí Alkatiri. Latu