Governu Planeia Prepara Karantina Ba Corona Virus
Naunil Media (Dili), Primeiru Ministru (PM) Taur Matan Ruak, deklara dadaun ne’e governu planeia ona hodi buka fatin ida di’ak liu tau fatin Karantina ba Corona Virus.
PM Taur Matan Ruak ba jornalista sira hafoin reuniaun semanal ho Prezidente Repúblika (PR), Francisco Guterres ‘Lú Olo’ iha Palasaiu Prezidesiál Bairro Pité, Kinta (05/03).
“Ita iha komisaun Interminsterial ida, ne’ebé lidera husi Ministra Saúde. Sira halo hela esforsu atu haree fatin ida para ita prepara aan ba corona virus”, hateten eis gerileiru Taur.
Nia dehan, komisaun interministeriál, ministériu saúde sira sei haree fatin iha Metinaru hanesan alternative, karik lakonsege mak sei haree fatin seluk.
Corona Virus dadaun ne’e daet ona ba nasaun hamutuk 73 no kuaze daet ba ema hamutuk 48.002 no mate kuaze 3.117 mill. Dms
