PR “Lú-Olo” Agradese Povu Bobonaru Simu-Iha Pontu Entrada Loes
Naunil Media (Bobonaro), Prezidente Repúblika (PR) Francisco Guterres “Lú-Olo” Agradese ba komunidade no autoridade Munisípiu Bobonaro ne’ebé hein iha pontu entrada Loes
“Ba militar sira no inan aman ne’ebé mak ohin lori tempu kleur uituan hein ami iha fatin ida ne’e ho haksolok tebes ami simu lia ne’ebé mak kasu hela iha fatin ida ne’e obrigadu barak ba ita boot sira ne’ebé fó dalan mai ami atu liu ba fatin ne’ebé ita boot sira prepara”, dehan Chefe estadu liu husi diskursu bainhira bainhira tó iha pontu entrada Loes, Tersa, (14/12).
Nune’e mós komunidade Munisípiu Bobonaro Iria Boe da Ximenes kontenti no agradese ba Prezidente Repúblika tanba bele tun ba sira nia Munisípiu hodi rona no tau matan ema oan kiak sira
“Ha’u senti kontenti tebes tanba nai ulun mai vizita ami no ami fo agradesementu ba Prezidente Repúblika tanba ami presiza liu prezidente tun mai tau matan no rona ba ema susar uituan hanesan oan kiak faluk”, tenik komunidade Iria Boe da Ximenes
Nune’e mós tuir observasaun bainhira Prezidente Repúblika too iha pontu entrada Loes simu direita husi Prezidente Autoridade Munisípiu Bobonaro no komunidade, no Prezidente Repúblika kontinua presta omenajen ba eróis no martires libertasaun Pátria iha Osoariu Maliana.*Jos
