EE Dalima PR Lu “OLo husu Labele halo Movimentu iha teritoriu laran.
Naunil Media (Dili) prezidenti Da Republika (PR) Fransisco Guteres Lu “Olo hateten Durante Estensaun Estadu Emerjemsia ba Da lima sei halo impede ba sidadaun sira atu labele lao ba mai iha teritoriu Laran.
“Direitu sira ne’ebé suspende mak labele la’o ba mai iha territóriu laran, labele simu família no amigu sira enkuantu hela iha ne’ebá no labele hili hela-fatin tuir sirania hakarak rasik,Tanba ne’e mak importante hatama ema iha kuarentena obrigatória atu pesoál saúde bele halo kontrole di’ak no la husik vírus ne’e hada’et husi ema ba ema”Mensajen PR liu hosi media Ofisial Palasiu prezidensial Sabadu (05/09).
Xefi Estadu no ema numeru um iha Timor leste ne’e hatutan Bainhira Estadu hatama ema asintomátiku ida iha kuarentena, Estadu suspende ema ne’e nia direitus, liberdades no garantias fundamentais balun ne’ebé Konstituisaun fó ba ema hotu.
“Durante loron sanulu resin haat, ba ema sira ne’ebé tenke sulan-an iha fatin-kuarentena ka iha uma rasik, Estadu la’ós limita de’it maibé suspende sira-nia direitus, liberdades no garantias fundamentais balun ne’ebé temi ona. Nune’e, suspensaun ba direitus, liberdades no garantias fundamentais balun halo tuir limites ka sasukat Konstituisaun nian, maibé la halakon” Hatutan PR
Estadu Emerjénsia ba Da limak ne’e durasaun ba loron tolu nulu hahú ohin, 5 setembru, sábadu, zero oras, no sei ramata iha 4 outubru 2020, domingu kalan, tuku sanulu resin ida no minutu lima nulu resin sia, iha territóriu tomak.DMS
