CIGC Liberta Timor Oan 52 Hosi Kuarentena
Naunil Media (Likisa), Diretóra Jerál Prestasaun Saúde, Ministériu Saúde (MS), Odete Viegas, informa Sentru Integradu Jestaun Krize (CIGC-Sigla Português) liberta Timor oan nain 52 hodi haruka fila ba idak-idak nia uma ka hela fatin, hafoin kompri estadia durante loron 14 iha kuarentena.
Diretóra Jerál Prestasaun Saúde, Ministériu Saúde, Odete Viegas, ab ba jornalista sira hafoin haruka fila Timor oan sira 52 iha fatin izolamentu Tibar, Kinta (09/04).
“Timor oan sira ne’e kompleta ona kuarentena loron 14, nune’e ohin fó livre ona ba sira hodi ida-idak bele fila ba sira nian uma. Antes sira fila ba uma entrega mós sertifikadu hanesan rekoñesimentu hosi parte saúde”, Odete informa.
Odete afirma, timor oan sira ne’ebé livre ona husi kuarentina tenke kopera nafatatin parte saúde no kompri regra sira hanesan bainhira hetan sintomas ruma, kontaktu fali profisiónais saúde sira ba númeru 119 hodi fó atendimentu.
Entretantu timor oan sira ne’e iha kuarentena rua, hanesan kuarentena instituisaun Nasionál Adiministrasaun Públiku (INAP) hamutuk nain 27 kompostu hosi feto 10 mane 17 no Kuarentena Tibar mós nain 25, kompostu feto nain 6 no mane nain 19. Timor oan hirak ne’e balun hela iha Díli no Munisípiu sira.
Relasiona ho pandemia Covid-19 ne’ebé sirkula iha mundu tomak tan ne’e Timor oan sira iha nasaun afeitadu sira deside fila hikas nmai Timor-Leste. Ho nune’e governu prepara fatin izolamentu ba sira hodi hela iha fatin kuarentena duran loron 14 nian laran.
Timor oan sira 52 ne’e hahú tama kuarentena hosi loron 25 marsu to’o 8 Abril 2020 ne’e no kompleta ona ba loron 14, ekipa saúde sira observa katak sidadaun timor oan sira ne’e livre hosi moras liu-liu covid-19. Uar
