Lere Partisipa Missa Funerál Amu Baltasar Pires

Naunil Média (Baucau), Kinta feira orseik, inta, (07/04), Tenete Jenerál reformadu, Lere Anan Timur, Hanesan mós antigus alunus salesiano Dom Bosco Fatumaca, Partisipa missa funerál Amu Baltasar Pires SDB, Ne’ebé hakotu i’is loron (04/04).

 Serimonia missa funerál Amu Baltazar Pires, SDB hala’o iha Salesiano Dom Bosco, Fatumaca, Munisipiu Baucau, Postu Administrativu Venilale.

 Iha serimonia missa funerá, Jenerál Lere Anan Timur, hateten, Salesiano Dom Bosco Fatumaca, li-liu sarani lakon mestri no formadór di’ak ida, Amu Baltasar Pires SDB.

Ohin ita lakon professor di’ak ida hanesan mós professor sira seluk, ne’ebé servi sarani kalotika no rai doben Timor-Leste, ne’ebé mak ohin loron lahamutuk ona ho ita. Nune’e lori antigus alunus salesiano Dom Bosco ho nia familia tomak hato’o sentidu kondolesia profunda ba Amu Baltasar Pires, SDB.

Lere haktuir, Iha Colegiu Fatumaca aprende buat barak hamutuk ho antigus alunus sira seluk.

 “ Hamutuk ho hau nia maluk sira seluk ami aprende saida mak sakrifisiu, factor, toleransia, Salesiano Dom Bosco la’os atu prepara de’it ema sai matenek atu servi nia a’an no familia, maibé prepara nia ema atu sai sidadaun di’ak atu servi nia rai no povu, ate pronto fo nia vida ba rai iad ne’e.” Dehan Jenerál Lere Anan Timur, hafoin partisipa misa funeral, iha Fatumaca, Kinta, (07/04).

Tenente Jenerál reformadu ne’e, hatutan, Antigus Salesiano forma nia a’an sai ema iha kolegio fatumaca, aprende sakrifisiu, hatene hadomi ema, iha kolegiu fatumaca.

Nune’e agradese ba kongregasaun bo’ot salesiano Dom Bosco ne’e hau mós hola parte.

Amu Baltazar Pires SDB husik nia rai moris fatin Portugál mai moris hamutuk ho sarani kalotika iha Timor-Leste, durante tinan 52.

Amu Baltasar Pires SDB, hakotu i’is iha loron (04/04), halo’ot iha loron, (07/04) iha semiteriu Wai-Behan, iha Postu Administrativu Venilale. Latu