FEATUREDIkus LiuNewsPolitika

Ekipa Susesu Lú Olo Husu CNE, PNTL Hatudu Imparsialidade

Fahe Tutan

Naunil Média (Dili), ekipa susesu Kandidatu Prezidente Repúblika Francisco Guterres Lú Olo husu ba Comissão Nasional Eleições (CNE) no Polísia Nasionál Timor-Leste (PNTL) atu toma medida rigor hodi hatudu duni imparsialidade tuir dever ne’ebé iha.

” Ekipa susesu kandidatu Francisco Guterres Lú Olo, husu ba CNE atu toma medida rigorozu hodi hatudu duni imparsialidade tuir dever ne’ebé iha, nu’udar órgaun supervizaun imparsiál ba eleisaun prezidensial ida ne’e, tuir regras Estadu haruka, husu mós ba PNTL atu toma medida rigorozu hodi hatudu duni nia autoridade tuir ninia dever atu kumpre regras hatur husi Estadu,” Dehan Representante legal Fernando Dias Gusmão liu husi konferensia imprensa ne’ebé hala’o iha Salaun Luz Clarita, Sexta, (08/04).

Ekipa susesu kandidatu Lú Olo ne’e mós husu ba média no públiku tomak atu matan moris nafatin, atu nune’e la husik ema ida hakat regras es tadu nian ne’ebé garante sosiedade moris ho disiplina koletiva atu hotu-hotu kontribui ho responsabilidade hodi hametin estadu direitu demokrátiku, paz no estabilidade Timor-Leste livre no independente ho justisa sosiál.

Reprezentante legal ne’e, hatutan, ekipa susesu kandidatu Francisco Guterres Lú Olo alerta ba públiku tomak katak , horseik, 7 abril 2022, iha Atsabe, instituisaun públika sira envolve iha monitorizasaun kampaña la hatudu  autoridade nein  imparsialidade tanba husik deit  kandidatu José Ramos Horta no partidu CNRT  viola regras estadu nian.

Fernando Dias hateten Kandidatu José Ramos Horta no partidu CNRT tau sira nia an iha regras eleitorais nia leten maibé, la iha reasaun husi CNE nu’udar entidade públika ne’ebé  tenke halo  supervizaun  ba eleisaun prezidensiál ida ne’e tuir regras hatuur husi estadu, PNTL nu’udar autoridade públika ne’ebé iha dever tomak atu garante kumprimentu regras estadu nian.

Nia esplika liubhusi karta protestu ba CNE ne’ebé ohin hatama, ekipa susesu kandidatu Francisco Guterres Lú Olo  fó hanoin  ba entidade sira katak iha violasaun ba regra sira ne’ebé hatuur iha lei no dekretu guvernu mak hanesan lei númeru 4 /2017, 23 Fevereiru,  aprova  alterasaun dalima  ba lei n.° 7/2006,  28 dezembru kona-ba lei eleitoral ba Prezidente Repúblika. 

Nia dehan kona-ba prinsípius  kampaña eleitoral artigu 28,  alínea 2 hateten katak CNE verifika respeitu ba prinsípiu sira ne’e , aplika husi loron  determina  data  eleisaun, no adota medida sira ne’ebé garante  kumprimentu no dezenvolvimentu pasífiku  kampaña eleitoral dekretu  guvernu númeru 3/2022, 10  Janeiru,  alterasaun dahuluk  ba Dekretu guvernu númeru 5/2017,  27  fevereiru, ne’ebé regula a kampaña no  propaganda eleitoral. 

Nia hateten kona-ba limitasaun tempu kampaña eleitoral, artigu 11.º husi dekretu ne’e regula katak propaganda eleitoral bele de’it akontese  husi tuku 08:00 dadeer  to’o tuku 06:30 kalan.*Jos

Leave a Reply

Your email address will not be published. Required fields are marked *