Komunidade Lautém La Satisfas ho Sesta Bázika, Domingos Savio : Dezafia ‘Keixa De’it Ba’

Naunil Media (Díli), Administrador Munisípiu Lautém, Domingos Savio ‘Lorasa’, hateten komunidade la satisfas ho programa sesta bázika, bele keixa de’it ba instituisaun ka entidade sira mak tutela.   

Afirmasaun ne’e, Domingos Savio ‘Lorasa’, ba jornalista Naunil Media, iha edifísiu INIRHILITIL, Taibesi, Sesta (22/01).     

Atual administratdór Munisípiu Lautém ne’e, akresenta atu hetan solusaun di’ak, keixa de’it ba parte ne’ebe mak tutela.

“Komunidade balun protesta protudu Sesta Bázika, tanba kahur ho produtu importasaun, nune’e dalan di’ak liu mak halo keixa ba parte relevante, hodi hetan solusaun”, aprofunda Domingos Savio ‘Lorasa’.

Savio argumenta, Sesta Básika la’os han atu bosu tinan ba tinan, maibe eduka komunidade atu servisu.

Tuir Nia, Timor-Leste iha potensia ba agrikultura, nune’e komunidade bele produs rasik produtu lokal liu husi halo to’os no natar.

“Estadu Timor-Leste atu fó han bebeik ita, nu’udar sidadaun, ita moe ! Nune’e nu’udar sidadaun tenke servisu ba ita nia-àn rasik”, tenik Savio. Latu/Chy