Bolsa Da Mãe Nain-213 Iha Suku Comoro simu Ona Apoiu Husi MSSI
Naunil Media (Díli), Xefí Suku Euriko da Costa de Jesus, İnforma dadaun ne’e sira distribui ona nesesidade bazika ba ba benefisiariu bolsa da mãe hamutuk atus rua sanulu resin tolu (213) husi suku Comoro Postu Administrativu Dom Aleixo Munisipiu Dili.
Autoridade lokal ne’e deklara nesesidade bazika hirak ne’e hetan apoiu husi Ministeriu Solidariedade Sosiál no inkluzaun (MSSI), ba komunidade hirak ne’ebé mak naran tama iha lista bolsa Da mãe.
“Implementasaun, distribuisaun nesesidade ba ema sira ne’ebé hanesan bolsa da mae distribuisaun ne’e mós tuir orientasaun husi guvernu. liu husi ministeriu solidariedade sosial halo distribuisaun dadus ne’ebé suku Comoro iha hamutuk atus rua sanulu resin tolu. Sira ne’e mak merese hetan distribuisaun foos aliende foos ho tan sasán seluk hanesan mina litru ida no sasán nesesidade bázika sira seluk”, İnforma xefí suku Comoro Euriko da Costa de Jesus ba ba jornalista Naunil Media iha knaar fatin sede suku Comoro, segunda (22/03).
Nia hatuta, foos ne’ebé suku Comoro hetan hamutuk 213 ba benefisiariu atus rua sanulu resin tolu (213).
Iha fatin hanesan benefisiaria inan faluk Jacinta Soares, husi aldeia Ramelau Delta, suku Comoro, agradese ba guvernu bele tulun ona sira.
“Durante ne’e ha’u hanesan feto faluk ha’u nia oan mós barak estadu liu husi guvernu fó ona ami ne’e ami husu obrgadu barak ba nai ulun sira hanoin nia povu duni tanba iha ha’u nia uma ha’u nia oan nain neen kedas sura ho família nia oan sira husi foho mai hela ho ha’u eskola entaun ami susar tebes,” dehan inan faluk ne’e. *Jos
