SEKOMS Kopera ho Ministeriu Interíor ba Kombate HOAX Iha TL
Naunil Media (Dili) Sekretáriu Estadu ba Komunikasaun Sosiál, Merício Juvinal dos Reis “AKARA”, hala’o enkontru ho Vise-Ministru Interior, Antonio Armindo, hodi koalia kona-ba oinsa serbisu hamutul entre parte rua ne’e hodi konbate Lia-Falsu ka Hoax iha Timor-Leste.
Ekontru ne’e realiza iha sala reuniaun Ministériu Interior, Vila-Verde, Dili segunda-feira, loron 22 fulan-marsu, tinan 2021.
“Iha enkontru ne’e, hodi koordena servisu oinsá tau ideia no esforsu hamutuk hodi kombate HOAX iha Timor Leste, tanba agora ema lansa informasaun HOAX aumenta makas liu husi media sosiál relasiona ho kazu COVID-19” dehan Merício Juvinal dos Reis “AKARA”.
SEKOMS realsa alende iha koperasaun ho Ministeriu Interior, sei ko’alia ho media sira hodi ajuda públiku oinsá prepara sidadaun sira atu uza Plataforma online ho pozitivu, responsabilidade no sivilizadu.
Iha sorin seluk, Vise-Ministru Interior Antonio Armindo, fó apresiasaun ba SEKOMS ne’ebé esforsu makas hodi servisu ho entidades tomak ba kombate HOAX.
“Tanba koordenasaun servisu ne’e importante no husi parte Ministériu Interior prontu kolabora hamutuk ho PNTL hodi identifika no evita HOAX ne’ebé espalla iha komunidade nia leet, tenik, ” deklara Antonio Armindo”.
Governante husi MI ne’e realsa , nia parte mós sei koordena ho parte Polisia Nasional Timor Leste (PNTl),hodi hare asuntu refere. *Nlo
