KHUNTO Husu MS Halo Sosializasaun Uluk Molok Povu Hetan Vasina
Naunil Media (Díli) Relasiona ho kazu ne’ebé akontesementu iha munisípiu Bobonaro, posto administrativu Bobonaro Suku Lour, sidadaun ida mate tanba simu vasinasaun Astrazeneca, nune’e Sefe bankada Kmanek Haburas Unidade Nasionál Timor Oan (KHUNTO) Olinda Guterres husu ba Ministéiru Saúde atu halo sosializasaun uluk molok halo vasinasaun ba povu.
“Vasina AstraZeneca ne’e aprova ona , ne’ebé ita la’o ho ida ne’e, maibé ita nia maluk balu ne’ebé mak iha munisípiu ladun rona informasaun husi mediku sira, ninia obstakulu mak agora daudaun ita hasoru ne’e, Pelu menus pesoal saúde sira tun ba halo sosializasaun hodi esplika ba povu”,dehan Sefe bankada Kmanek Haburas Unidade Nasional Timor Oan (KHUNTO) deputada Olinda Guterres ba jornalista sira iha Parlamentu Nasionál, kinta (01/07).
Reprezenta povu ne’e hatutan, iha PN sei bolu MS ou bele mós la bolu, tanba MS mai iha ne’e mós kolia buat hotu los. Ne’ebé husu ba governu liu husi MS atu toma resposavel ba mate isin ne’e atu halot oinsa, tanba orsamentu aloka ona ba iha ne’eba.
Olinda haktuir, kona-bá vasina ida ne’e ita nia Primeiru Ministru (PM) mak simu vasina primeiru, tuir Prezidenti da Repúblika (PR), Amo Bispo no Prezidenti Parlamento Nasionál (PPN).
Ita Timor lahatene aimoruk ida ne’e atu kura ba moras saida, tanba moras ne’e invizivel, ne’ebé ita lahatene moras ida ne’e mai atu kona se, Nia preokupa. LTS
