Estudante Alfredo Colo: Husu Joven TL Hametin Paz
Naunil Media (Díli), Estudante hosi Universidade Nasionál Tmor Lorosa’e (UNTL), Alfredo Colo husu joven Timor-Leste atu hametin paz no respeitu malu iha povu nia let hodi evita problema.
“Tuir mai, karik ita joven senti-aan nu’udar Timoroan, mai ita hamutuk respeitu ita-nia maluk joven refere, hanesan respeitu ita-nia aan rasik, mezmu ké ita joven apelidu bele keta-ketak, maibé umilde nu’udar joven ida ba maluk joven sira hotu, atu ita lian ida de’it no forsa ida de’it mak tenke unidade atu pasifista, hodi bele hama’e ita-nia família sira-nia naran no ita-nia Nasaun Repúblika Demokrátika de Timor-Leste (RDTL) nia naran”, dehan estudante Alfredo Colo ba Naunil Media via Whatsapp, kinta (15/09).
Nia hatutan, maluk joven sira prinsipalmente husi ativu máximu iha edukasaun Formal, edukasaun non formal no proibidu pasivu.
Nia hateten joven Timor-Leste presiza tau konfiansa nafatin ba seguransa rua mak hanesan instituisaun Falintil Forsa Defeza Timor-Leste (F-FDTL) no Seguransa, Polísia Nasionál Timor-Leste (PNTL).
“Maluk joven sira iha territóriu TL husi Ambeno to’o Lospalos no husi Maunfahe to’o kapitál Díli katak ita konkista tiha ona ita-nia rai Repúblika Demokrátika Timor-Leste (RDTL) husi Republik Indonesia RI, entaun mai ita kolabora ho ita-nia Lutu Nasaun Falintil Forsa Defeza Timor-Leste (F-FDTL) no Seguransa, Polísia Nasionál Timor-Leste (PNTL)”, katak nia.
Sei ita pasivu maka realidade liga ho situasaun oras ne’e, ita-nia seguransa sira kalan-loron la deskansa tan de’it ita joven la iha fuan bo’ot ba nasaun ki’ik ida ne’e, nia haktuir
Karik ita joven hot-hotu fuan bo’ot maka ita-nia nasaun ki’ik ne’e nia naran sei bo’ot iha mundu uainhira ita joven hatudu duni ita-nia maturidade, nia hakotu. Lop
