Durante Mandatu “Cárceres” Sidadaun Indonesia hamutuk 300 sai sidadaun TL
Naunil Média (Díli), Iha Mantadu Ministru Justisa Manuel Carceres da Costa Sidadaun Indonesia hamutuk 300 Mak sai ona sidadaun Timor-Leste.
“ Iha hau nia Governasaun sidadaun Indonesia hamutuk 300 mak sai ona sidadaun Timor-Leste, tanba sira kaben ho ita nia sidadaun Timorense,” Dehan Ministru Justisa Manuél Cárceres, ba jornalista sira, iha Palasiu Governu, Quinta (23/09).
Nia haktuir, Sira ne’e la’os kaben tinan lima maibé sira ne’e iha ona oan, bei-oan sira ne’ebe mak bo’ot ona no sira balu oan sai ona doutor no balu mestri sira ne’e iha ona direitu tanba sira la fila ba sira nia rai ona.
“ hatutan ba sira ne’ebe mak foin kaben tinan lima no tinan ne’en, hein lai kriteira ne’ebé mak sira tenki kumpri rekezitus lei nasionalidade Timor-Leste nian, sei karik sira kaben karik ema dehan kazamentu ne’e boa fe.
MJ Manuel husu, Sira labele mai aproveita de’it ita nia inan feton sira no ita nia mane maluk sira kaben par hodi sai sidadaun Timor-Leste depois so’e malu. Flo
