Estudante DIT Hamutuk 354 Gradua Ona
Naunil Media (Dili), Ohin (29/11/2021), Estudantes Dili Dili Institutu of tecnology (DIT), hamutuk 354, gradua ona.
Estudante ne’ebe mak tuir graduasaun ne’e kompostu husi departamentu siensia enginaria hamutuk 115, estudu petroleu hamutuk 61, buisnis management 57, turizmu hospitality 116, no programa post mestradu ema nain 6.
Serimonia graduasaun iha tinan akademiku 2021, ba dala XIV.
Reitor DIT, Alvaro Menezes Amaral, hateten, Serimoria graduasaun ne’e, Sentru Formasaun DIT, tuir gradua mos liu hosi fahe sertifikadu ba ema nain 25, husi sertifika ida rua ba area ospitalidade ema nain 10, sertifikadu tolu, area gestaun bazika ema nain 15.
Nia haktuir, Tinan ne’e Timor-Leste hasoru situasaun Difisil tebes.
” Tinan ida ne’e ita nia rai hasoru situasaun difisil tebes, hanesan pandemia Covid-19 preokupasaun bo’ot, iha fulan marsu to’o agostu, obriga estudante hotu-hotu aprende liu husi via online, obrigra inan aman sira, tenki aumenta kustu, hanesan sosa pulsa no leptop ba oan Sira,” Dehan Reitor DIT Alvaro Menezes Amaral iha nia diskursu hafoin halo seremonia graduasaun iha salaun DIT, Segunda (29/11).
Iha fatin hanesan, Estudante graduante, Domingas da Costa Ximenes katak, sai joven ne’ebe mak iha mehi a’as la’os de’it atu muda nia moris, maibe muda komunidade no nasaun, liu hosi fahe ita nia matenek kontribui ba iha ambiente ne’ebe mak pasivu.
Kontibuisaun ida ne’e la’os de’it husi Hau, husi nia, no husi imi, maibe presija ita hotu nia kontribuisaun ba Timor-Leste ida ne’ebe mak diak liu, Tenik nia. LTS
