PNTL Sei Passa Revista Karta Kondusaun Molok Hakat ba 28 Novembru
Naunil Media (Dili), Porta voz PNTL, Superintendente Xefe Polísia Arnaldo de Araújo, dehan PNTL sei halo check point (pasa revista) karta kondusaun motorist sira nian molok hakat ba loron proklamasaun Independensia ba 28 Novembru.
“PNTL iha teritóriu Timor laran dadaun ne’e sei hala’o hela pasa revista ba transporte públiku no privadu no sasan balun, tanba lakleur tan ita tama ona ba loron 28 de Novembru”, Porta voz PNTL, Superintendente Xefe Polísia Arnaldo de Araújo liu husi komferensia imprensa ba jornalista sira iha salaun Komandu Jeral Kaikoli, Tersa (17/11).
Nia hatutan dadaun ne’e PNTL halo preparasaun atu check point ba fatin hotu, nune’e husu ba komunidade sira atu la’o ba fatin ruma karik labele haluha lori domentu sira tenki ho karta kondusaun.
“Komandu munisípiu sira komesa retira ona, sira balun hahu husi munisípiu tun to’o iha postu administrativu no suku sira para atu halo seguransa ba ema hotu iha kualker oras, PNTL bele asegura situasaun saida deit mak akontese iha sira nia leét”. Nel/Flo
