Dadur Juga Gama Hakotu Iis iha Izolamentu Vera Cruz, Kauza Moras-Lepra.
Naunil Media (Díli), Diretór Reisesiamentu Prizaun Becora João Domingos, Informa matebian Juga Gama hanesan dadur iha prizaun Becora, nia mate tanba kauza husi moras lepra.
“Matebian hetan moras lepra, nue’e husi prizaun lori kedas ba klinika Becora hodi halo tramentu”, Hateten Diretór Prizaun Becora João Domingos ba jornalista sira iha izolamentu Vera Cruz.
Tuir matebian nia maun Abito Gama hateten, Ohin Ami simu kontaktu kuaze tuku 4:00 lorain hanesa ne’e, dehan-nia hakotu iis iha sentru saúde izolamentu Vera Cruz.
“Ami lori nia mai iha loron 11 fulan Maiu, kuaze tuku 5 ho balu, iha sentru izolamentu Vera Cruz, ohin nia husik hela ami familia tomak”, Tenik Abito Gama ho maten wen nakonu.
Nia hatutan, matebian moras kleur ona iha prizaun Becora, no familia ba haree nia, maibé moras ne’e hataka nia to’o labele salva nia vida.
Nia dehan, ami la iha buat ida prontu tuir prosesu ne’ebé mak iha, maibe desizaun ikus mak intrega ha’u nian alin-nia mate isin ba familia hodi bele halot tuir lisan hafoin familia bele lori nia ba halot iha semiteru jerál Becusi.
Husi sentru integadu jestaun krize, Sala Situasaun (SIJK-SS sigla portugés), desidi matebian Juga Gama ba familia hodi ba halot tuir lisan Tmor-Leste.
Artistas famozu Juga Gama mate ho tinan 40, husik hela nia kaben ho nia oan na’in 4. Pau
