Ekipa IJK Lautém Laiha Fasilidade Protesaun Ba Prevensaun COVID-19

Fahe Tutan

Naunil Media (Lautém),  Admistradór Munisipiu Lautém, Zeferino dos Santos Siqueira , hateten ekipa Integradu Jestaun Krize (IJK) iha Munisípiu Lautém preokupa servisu prevensaun Surtu COVID-19, tanba to’o laiha ekipamentu protesaun ba ekipa IJK.

“To’o agora ekipa IJK ne’ebé hala’o servisu prevensaun iha Munisípiu Lautem, dadaun ne’e la uza ekipamentu sira ba prevensaun, hanesan maskra no luvas, hosi nasionál nune’e atu fasilita pessoal saúde sira”, informa Administradór Munisípiu Lautem, Zeferino dos Santos Siqueira, ba Naunil Media iha kana’ár fatin, Hamamoko, Segunda (20/04).

Tuir Administradó Munisípiu ne’e, katak servisu integradu ne’ebé nia rasik lídera defisil atu atende, piór liu médiku sira ne’ebé hetan ona formasaun durante ne’e hodi atende ba pasiénte COVID-19, tanba laiha  fasilidade protesaun ba mediku sira.

“Durante iha estadu emerjénsia ne’e, hau orienta ona sira, liu-liu ba diretór sira  atu servisu hamutuk iha ekipa konjunta hodi hala’o servisu prevensaun ba Surtu COVID-19. Meius prevensaun ne’ebé halo ona mak prepara kuarentena ba sidadaun sira mai hosi nasaun afetadu sira, la konsege kuarentena iha nasionál bele kuarentena iha munisípiu, maibé pessoal sira servisu ba prevensaun nian laiha osan tanba ne’e laiha kondisaun”, dehan Administradór ne’e.

Maske nune’e, Administradór ne’e husu ba komunidade iha munsípiu Lautém tenke ho konsiénsia hodi prevene-an hosi surtu ne’e, liuhosi kompri ba regras sira ne’ebé hosi estadu no saúde mundiál sira ne’ebe fó sai liu hosi meius komunikasaun oi-oinn hodi prevene COVID-19”, dehan Nia

To’o oras ne’e munisipiu Lautem sei livre hosi surtu COVID-19. Latu

Leave a Reply

Your email address will not be published.