COVID-19: Transmisaun Lokál Iha Liquiçá Sei Hein Rezultadu Teste Konfirmasaun
Naunil Medi (Díli), LiuhosiSala Situasaun, Porta voz Sentru Integradu Jestaun Krize (CIGC-Sigla Português), Sergio Lobo, informa kazu COVID-19 ba transmisaun lokál iha munisípiu Liquiçá hasai ona amostra hosi komunidade nain 17 ba teste iha laboratóriu Darwin Australia sei hein rezultadu.
Porta voz CIGC, Sergio Lobo, ba jornalista sira liuhusi komunikadu imprensa, iha Centro de Convenções de Díli (CCD), Sexta (24/04).
“Relasiona ho kazu Liquiçá nian hosi ekipa epidemiólojia halo ona investigasaun ba ema sira ne’ebé iha área Liqiçá nian, seidauk hetan evidensia kona-ba transmisaun lokál i laboratoriu nasionál mós halo ona teste ba ema nain 17 ne’ebé hetan sintomas, mear no inusben. Ministériu saúde (MS) desidi kontinua teste ba ema sira ne’ebé sintomas respiratoriu ba teste iha Darwin Australia, tanba ne’e horibain-rua teste ba ona nain 11 no horseik teste tan nain 6 ne’ebé hamutuk ema nain 17 sira-nia rezultadu sei hein konfirmasaun”, portavoz CIGC, esplika Sergio Lobo.
Porta vos Covid-19 ne’e haktuir, antes ne’e profesor nain rua hosi sidadaun portuguésa ne’ebé hetán pozitivu COVID-19, iha Liquiçá maibé dadaun transfere ona mai iha sentru Izolamentu Vera Cruz hodi kontinua halo tratamentu intensivu hosi profesionál saúde sira. Entretantu sidadaun protugesa nain rua ne’e hala’o kanár nu’udar profesor durante ne’e hala’o sira nian kna’ár iha Café Munisípiu Liqiçá. Uar
