Konsidera Kontra KRDTL, CNRT Sei Keixa PR Lú Olo Ba Tribunal

Naunil Media (Díli), Prezidente Partidu Congresu Nasionál Rekonstrusaun Timorense (CNRT), Kay Rala Xanana Gusmão, deklara sei keisia Presidente Repúblika (PR) Francisco Guteres ‘Lú Olo’ ba tribunal, tanba kontra ona Kontituisaun Repúblika Demokrátika Timor-Leste (KRDTL).

Prezidente Partidu CNRT, Kay Rala Xanana Gusmão, ba jornalista sira liuhosi  komunikadu imprensa, iha Sede CNRT, Bairru Gruillus, Kinta (30/04).

“Presidente Repúblika ne’e kontra ona konstitusaun ne’ebé grave, relasiona pendente membru oitavu  governu nain sia, la iha respota. Koligasaun foun ne’ebé kompostu hosi partidu lima nia pedidu mos laiha rezutadu to’o VIII governu bele formaliza fali governu”, hateten prezidente partidu CNRT, Kay Rala Xanana Gusmão.

Nune’e líder karismátiku, Kay Rala Xanana Gusmão, dehan “CNRT sei  hatama asaun ida iha tribunal.

“Prezidente Repúblika kuandu simu pose iha juramentu, jura kompri kontituisaun no halo ema hotu tuir konstitusaun. Prezidente Repúblika  devia iha órgaun sobernia estadu ninian, tenke  hola nia kompetensia labele ba hadaun ema seluk nian, sidadaun komete ne’e kompetensia tribunal ninian” esplika líder máximu iha partidu CNRT ne’e.  

Eix Primeiru Ministru ne’e hatutan, Presidente Repúblika  nian kompetensia banhira orsamentu jerál estadu (OGE) lapasa, liu ona loron 60 dizolve ona Parlamentu Nasionál (PN), maibé iha governasaun VIII  ne’e liu ona maibe seidauk dizolve PN.

“Ami tetu iha konstitusan no advogadu sira sei ko’alia, iha ne’ebé violasaun no grave resposabilidade konstituisionál”, tenik eis gerileiru komandante em xefe FALINTIL, Xanana.

“Hafoin loron 40  Primeiru  Ministru Taur Matan Ruak ba RP Lú Olo husu fali ninian  pedidu  demisaun, nune’e ami la’ós kestiona Lú Olo, atu dehan deit katak jerasaun foun tenke kompri konstitusaun  hodi defende estadu direitu demokrátiku”, realsa Nia.

Tuir Kay Rala Xanana Gusmão, katak konsidera dadaun situasuan no krize instituisional,  lolos  Prezidente Repúblika asegura funsionamentu regular instituisaun bazeia konstituisaun alinea E artigu 150, kompetensia fiskalizar , tanba lahalo proposta nomeasaun  no laiha resposta ida ‘fundamentalvel’, lolos dekretu presidentesiál atu fó pose ba membru governu.

“Ha’u haree sente triste tebes, ita bolu krize instituisionál nune’e partidu CNRT  iha dever bo’ot ba estadu, povu no jerasaun foun sira”. Dehan Xanana. Uar