Pasiente Pozitivu COVID-19 Iha TL Nain 16 Rekupera Ona
Naunil Media (Dili), Porta voz Sentru Integradu Jestaun Krize (CIGC-Sigla Português), Sergio Lobo, informa pasiente konfirmadu pozitivu COVID-19 iha Timor-Leste (TL) mantein nain 24, maibe dadau nain 16 rekopera ona.
Porta voz CIGC, dr. Sergio Lobo, ba jornalista sira liuhosi komunikadu imprensa, iha Sala Situasaun Centro de Convenções de Díli (CCD), Kuarta (30/04).
“Teste laboratóriu nasionál halo ona teste sampel hamutuk ema nain 652, iha diferensia barak liu horseik (Tersa 29/04) ne’e nain 629, kazu konfirmadu mantein hanesan horseik 24, kazu rekoperadu 16, horseik 6 ohin aumenta ba 16. Maluk sira ne’ebe iha Vera Cruz sei falta nain 12”, informa porta voz CIGC dr. Sergio.
Dr. Sergio Lobo, relata “Kazu negativu hamutuk nain 435 no iha Tersa (29/04) ne’e nain 390, hosi amostra Manatutu. Einfermeiru ne’e nia família, depois pesoál saúde balun sira ne’ebé iha kuarentena Otél SK rezultadu negtivu foun foin tama, sei hein rezultadu hamutuk nain 193”.
“Iha kuarentena hamutuk nain 374 kompara ho horseik 436, nain 38 halo auto-kuarentena iha minisípiu sira, nain 8 auto-kuarenten iha Dili, nain 65 iha kuarentena falisilidade governu nian”, esplika Nia.
Nia dehan, “iha munisípiu sira nain 263 kuarenten iha falisidade governu nian iha Díli, entre sira ne’e inklui profesionál saúde iha kuarentena sei iha nain 40, sira ne’ebe passa ona loron kuarentena hamutuk nain 1775. Ohin, iha tan nain 59 mak sai husi kuaranten nain 54 iha kuarntena Tasi Tolu, nain 5 iha Otél Farol”. Uar
