Estensaun EE, PM Taur: “Governu Autoriza Transporte Públiku Hala’o Hikas Sirkulasaun”

Fahe Tutan

Naunil Media (Díli), Primeiru Ministru (PM), Taur Matan Ruak, deklara governu liuhosi reuniaun Konsellu Ministru (KM) aprova ona alterasaun  ba Lei foun hodi autoriza movimentu trasnporte públiku durante estensaun iha estadu emerjénsia (EE).

Primeiru Mínistru (PM) Taur Matan Ruak  ba jornalista sira hafoin  sorumtuk semenál ho Prezidente  Repúblika (PR) Francisco Guterres ‘Lú Olo’, iha palasíu Prezidensíal, Bairru Pít, Kinta  (30/04).

“Horseik (Kuarta 29 Abríl), governu aprova dekretu Governu nian kona-ba implentasaun  ba estadu emerjénsia, ne’e iha dekretu  alterasaun oituan liu-liu kona-ba autorizasaun ba iha transporte públiku sira hodi halo movimentu durante esatdu emerjénsia”, hateten Xefe Órgaun Ezekutivu Taur.

Xefe Governu konstitusionál da-ualu ne’e hatutan, movimentu transporte durante  iha Estadu Emerjénsia hanesan taxi, mikrolete no Bus bele la’o, maibé sei estabelese lei hosi parte relevante.

“Banhira transporte hirak ne’e la’o ka movimentu, Ministeriu Trasnporte no  komunikasaun sei estabelese Regras hodi bele regula durante halo operasaun”, tesnik PM Taur Matan Ruak.

PM Taur akresenta, kona-ba autorizsaun ne’e governu sei kria regras rigorozu ba motorista sira, atu bele la’o tuir kuandu kontra  regras hosi governu sei  hetan pena ka tuir implemetasaun mak estabelese ona.

Ikus liu, Taur hateten, Kona-ba dekretu Estadu Emerjénsia hahú desde loron 28 fulan Marsu to’o mai iha 26 Abríl, maibe haree ba situasaun real Surtu COVID-19 aumenta numeru pasiente, governu deside estende ba  daruak bazea ba dekretu lei nu.3/2020.

Estende hikas Estadu Emerjénsia hosi loron 27 fulan Abríl to’o 27 fulan Maiu tinan ne’e. Dms

Leave a Reply

Your email address will not be published.