CNRT Husu Investiga Membru PNTL Tuir Juramentu KHUNTO

Fahe Tutan

Naunil Media (Díli), Xefe Bankada Partidu Kongresu Nasionál Rekinstrusaun Timor (CNRT-Sigla Português), Duarte Nunes husu ba Komandu Jerál Polísia Nasionál Timor-Leste (PNTL) atu investiga membru PNTL mak involve iha juramentu Kmanek Haburas Unidade Nasionál Timor Oan (KHUNTO), tanba viola konstituisaun artigu 147.

“Kona ba polísia ne’e iha parte ida, hau bele konkorda katak ema ne’e iha direitu vota ba partidu ida, maibé bainhira ba vota labele tama partidu, enkuantu nia membru policia ne’e konstituisaun RDTL artigu 147 la fó dalan ba membru forsa ida bele tama iha partidu, bainhira nia (membru PNTL) ba vota tanba ba vota la hateten ba ema ida, se nia hili partidu ne’e sala ona, tanba lei taka dalan ba nia” xefe bankda CNRT, Duarte Nunes, ba jornalista sira hafóin plenária iha Paralementu Nasional, Tersa (07/07).

Tuir Deputadu Duarte Nune’e, ne’e akontese duni, hasai tiha membru PNTL ne’ebe refere.

“Halo investigasaun hasai nia, o hili partidu ka, o hili forsa, buat rua ne’e tenke klaru atu ne’e labele hamosu situasaun ne’ebé mosu ita labele dun ba  malu”, tenik deputadu ne’e.

Iha parte seluk Deputada bankda KHUNTO, deputada Lígia Coelho da Silva, rejeita informasaun membru PNTL halo juramentu ba partidu KHUNTO.

“Deklarasaun komandante jerál polísia iha públiku katak membru polísia ba tuir juramentu partidu KHUNTO nian ne’e laloos, tanba la’ós membru polísia mak ba halo juramentu ba partidu KHUNTO, maibé hanesan sidadaun komum ida ne’ebe mak nia nasionalidade Timor Oan. Nia (sidadaun) iha direitu atu eskoila koor partidu ida tuir nia vontade rasik, tuir konstituisaun RDTL artigu 46 númeru 2 katak sidadaun hotu iha direitu partisipa iha vida polítika”. Dehan deputada, Lígia Coelho.Uar

Leave a Reply

Your email address will not be published.