Mexico-Cuba-Nova Zelandia Sei Apoia TL ba Área Edukasaun

Fahe Tutan

Naunil Media (Díli), Ministru Edukasaun Juventude no Desportu (MEJD), Armindo Maia, informa nasaun Mexico, Cuba no Nova Zelandia sei apoiu governu Timor-Leste liu husi Ministériu Edukasaun Juventude no Desportu (MEJD) área edukasaun.

“Ohin, diplomata nain  tolu mai hasoru ho ha’u, hodi apoiu ita ba area eduksaun nian,  Mexico hakarak fó bolsu estudu ba timor-oan sira, Cuba  apoia programa alfabetizasaun ba ema idade bo’ot sira ne’ebé hahú iha 2003 ne’ebé hakarak kontinuasaun”, Ministru Armindo Maia, ba jornalista hafoin simu vizita kortezia husi embaixada sira iha Timor-Leste, hanesan Mexico, Cuba no Nova Zelandia iha edifísu MEJD, iha Vila Verde, Tersa (14/07).

Governante ne’e hatutan, durante ne’e Cuba fó apoiu tebes ba Timor-Leste hodi forma médiku sira, hahu estudante sira ba eskola iha Cuba no loke fakuldade medisina iha (UNTL), posibilidade ho Governu Cuba sei  apoia  iha area juventude desportu.

“Ohin deskuti oinsa mak bele haree programa ba tinan 5 nian,  maibé ita sei   halo avaliasaun para programa ida ne’e di’ak hodi reforsa nafatin seitór edukasaun liu-liu apoiu bolsu estudu lisensiatura iha Nova Zelandia, maibé agora sei iha situasaun COVID-19  ne’ebé ba asuntu sira ne’e sei kontinua diskute”. Dehan Ministru Armindo. Fet/Emj1

Leave a Reply

Your email address will not be published.