Deputada Lídia : Dala Barak Otél Sai Fatin Prostituisaun

Fahe Tutan

Naunil Media (Díli), Prezidente Grupo Mulheres Parlamentares Timor-Leste (GMPTL) noa atual Deputada Lídia Norberta dos Santos Martins, hateten dala barak Otél sira iha Díli laran sai fatin prostituisaun ka fatin ba sexu livre.

Prezidente Grupo Mulheres Parlamentares Timor-Leste (GMPTL) noa atual Deputada Lídia Norberta dos Santos Martins, koalia asuntu ne’e relasiona ho dadaun ne’e inan-feto sira kontinua soe bebé iha fatin-fatin iha capital Díli.   

 “Fatin prostituisaun sira hanesan iha Otél ne’e, tanba dala barak iha Otél sai hanesan fatin ba halo relasaun seksual”, dehan Deputada Lídia Norberta dos Santos Martins, ba jornalista sira iha Uma Fukun Parlamentu Nasionál, Segunda (24/08).

Tuir Deputada Lídia Norberta dos Santos Martins, kazu soe bebé kontinua mosu barak iha Timor-Leste, tanba kauza husi asesu filme pornografia.

“Husu ba família sira tenke fó edukasaun kona-ba seksuál ba oan sira, nune’e iha koinesimentu hodi prevene. Espelika ba sira (oan sira) bele kompriende”, tenik deputada ne’e.  

Nia husu Governu liu husi Ministériu no Instituisaun kompetente hanesan Sekretáriu Estadu Komunikasaun Sosiál (SEKOMS) no Autoridade Nasioál Komunikasaun atu kontrola ba website pornografia labele fo asesu livre ba minoridade.

“Sekretáriu Estadu Komunikasaun Sosiál ne’ebé kaer autoridade nasionál komunikasaun ho tan orgaun sira seluk bele mos iha maneira oinsa mak halo sensura ba website pornografia sira para bele kontrola”, dehan Lídia Norberta.  

Ikus-liu, Nia husu ba familia sira, inan-aman atu kontrola oan sira, liu-liu labarik minoridade feto no mane atu la bele halo seksuál livre, maibe kombate kazu soe bebé iha Timor-Leste. Ana

Leave a Reply

Your email address will not be published.