MAPKOMS Cup 2020 : Ekipa Feto Naunil Media Susesu Halakon SERVE.IP 3-0
Naunil Media (Díli), Ekipa Futeból Salaun Feto Naunil Media susesu halakon adversaiu SERVE.IP ho score 3-0, husi jogu kontinuasaun Torneu MAPKOMS pool D, mak hala’o iha kampu Futsal Bebora, Sesta (30/10).
Inísiu jogu ekipa rua hatudu jogu furak dezde kick off primeira parte. Tama ba iha minutu 5 Dulsia susesu lori nia ekipa Naunil lidera ho score 1-0. Jogadora ho númeru kamizola 3 ne’e marka golu hafoin simu asistensia husi nia kompainera Muky.
Minutu 8 Auxiliadora ho jersey 11 aumenta tan golu ida hodi haboot score ba 2-0, golu ne’e liu husi nia asaun hodi ultrapasa ba defeza SERVE.IP no susesu doko rede SERVE.IP, hodi mantein to’o termina jogu parte dahuluk.
Kontinua ba segunda parte ekipa SERVE.IP halo mudansa tatika no konsege hetan oportunidade barak maibé la aproveita ho di’ak.
No tama ba iha minutu 14 Auxiliadora marka tan Golu ida hodi haboot liu-tan score ba 3-0.
Golu daruak husi Auxiliadora, akontese liu husi nia asaun hodi ultrapasa ba defeza SERVE.IP no susesu fura rede SERVE.IP hodi hatur score 3-0
To’o termina jogu parte daruak vitória ba ekipa Naunil Media. Entertantu jogu ne’e ho objetivu atu komemora loron proklamasaun independensia 28 fulan Novembro iha tinan ne’e, ba dala-45.
Torneu ne’e mos atu halo lasu amizade entre Media ho parseiru sira. Ekipa Kobertura
