Kompaña Montana Dí’ak Apoiu Eskavatór Normaliza Estrada Monu Iha Tarabula

Fahe Tutan

Naunil Media (Manufahi), Iha segunda  (19/04) ne’e, Kompaña Montana Di’ak apoia eskavatór hodi  normaliza estrada ne’ebé monu iha aldeia Tarabula suku Maulau postu administrativu Maubesi hodi fasilita movimentu transporte publiku dirasaun Maubesi ba postu admistrativu Turiskai.

Tuir komunidade Hermenegíldo Moníz  relasiona ho dezastra naturál  ho udan bo’ot ne’ebé akontese iha loron 04 fulan-Abril foin lalais, rai halai no hamate família uma ka’in ida ho total família ema na’in 5 iha aldeia Tarabula suku Maulau postu administrativu Maubesi muniusípiu Ainaru ho akontesementu ne’e afeta mós ba estarda ligasaun Maubesi ba Turiscai paradu Total, hodi prejudika movimentu komunidade nian inklui defikulta komunidade ne’ebé moras atu transporta husi Turiscai mai óspital referál Maubesi.

Haktuir Hermenegildo ba Naunil Media, iha aldeia Tarabula, suku Maulau, postu Administrativu Maubessi, munisípiu Ainaru, segunda (19/04).

“Ho situasaun ne’e diretór patraun Lóza Cazy Boys organiza emprezáriu Turiscai-oan sira, kontribui osan ho montante osan dollar Amérianu atus ida lima-núlu ($ 150,00) hodi sosa animal hanesan fahi, manu hodi halo serimónia kulturál iha fatin akontesementu hamutuk ho komunidade postu Maubesi hodi husu lisensa ba natureza ba prosesu normalizasaun estrada ne’ebé monu iha aldeia Tarabula”. Tenik nia.

Entretantu emprezáriu Turiscai-oan kontribui osan hodi sosa animal ne’ebé oferese iha serimonia kultral ne’e kontribui mós kombustivél ense mina ba eskavatór ne’ebé kompañia Montana diák oferese hodi ke’e estrada ne’ebé monu. NFM

Leave a Reply

Your email address will not be published. Required fields are marked *