SIJK Informa TL Rejista Tan Mate ba Kazu Covid-19 Ida
Naunil Media (Díli), Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, liu husi Centro Integrado Gestão de Crises, Sala Situação (CIGC-SS- sigla portugés), Rui Maria de Araújo, Informa Timor-Leste rejista tan mate ba Kazu Covid-19 nain ida.
“Óbitu ne’ebé relata ohin, 14 de Juñu 2021:1 (ida), ho detalle hanesan tuir mai Feto, idade tinan 62, timoroan, hela iha Maliana, iha dia 13 de Juñu enkamiña husi Hospital Referénsia Maliana, ho aviaun ambulánsia, ho dignoze traballu sindroma insufisiénsia respiratória aguda (SIRA), ka susar/difisil atu dada-i’is, tanba Covid-19 (rezultadu PCR pozitivu ho CT – cycle treshold – 21,5)”, Dehan Dehan Koordenadór Forsa-Tarefa ba Prevensaun no Mitigasaun Surtu Covid-19 Rui Maria de Araújo ba Jornalista sira via de komunikadu imprensa, segunda (14/06).
Rui salenta matebian la iha istória moras seluk, maibé mear ho i’is-bo’ot iha uma durante semana ida nia laran ona.
Iha fatin isolamentu Vera Cruz ekipa médiku sira halo re-avaliasaun ba dignóstiku, no to’o iha konkluzaun katak matebian iha ona septic shock tamba pneumonia ne’ebé provoka husi Covid-19.
“Matebian hetan tratamenu tuir protokolu ne’ebé iha, inklui tratamentu ho oksijéniu, maibé ohin dader tuku 11h40 i’is-kotu tanba respiratoriu failure & multiple organ failure” Informa nia.
Familia kordena hela ho ekipa saúde atu hala’o funeral tuir protokolu ne’ebé adopta iha Timor-Leste.
Ema ne’ebé mate ho Covid-19 iha Timor-Leste total 19. Ivo
