Governu Apoiu Materiál Konstrusaun ba Vitima Dezastre Naturál iha Manufahi
Naunil Media(Manufahi), koordenadór Jestaun Risku Dezastre Naturál iha munisípiu Manufahi Elezito da Costa macado, Informa governu apoiu ona material kontrusaun ba vitima dezastre natutrál ba familia 52 ne’ebé mak akontese iha tinan kotuk.
“Vitima dezastra uma ka’in 52 ne’e kompostu, postu administraivu Same uma ka’in 27 aat toda total uma ka’in 23 no aat kamán uma ka’in 4, postu administrativu Alas total uma ka’in 15 aat total uma ka’in 8 no aat kamán 7, postu administrativu fatuberliu total uma ka’in 5 aat total uma ka’in 2 no at kamán 3, postu administrativu Turiscai total uma ka’in 5 aat total uma ka’in 4 no aat kamán 1”, Dehan koordenadór Jestaun Risku Dezastre Naturál iha munisípiu Manufahi Elezito da Costa macado Jornalista iha postu Administrativu Same munisípiu Manufahi foin lalais ne’e.
Nia hatutan, materiál kontruksaun ne’ebé governu fó apoiu ba vitima dezastre naturál sira uma ne’ebé hetan estratgu total kada uma ka’in hetan apoiu materiál kontruksaun hanesan kalen tahan 50 sumenti saka 25, besi beton, prégu, arame no osan mão de obra ho ai-kuadradu ho total osan dollar Amérikanu atus tolu nén-núlu resin-ualu ($ 368,00), uma ne’ebé estragu kamán hetan de’it kalen tahan 50, prégu no osan ($150.00).
Iha fatin hanesan Reprezentante familia Vitíma dezastra, Feliciana de Jesus ho idade terseira idade husi suku Daisua Aldeia Riatu, agradese ba governu tanba ajuda ona materiál kontruksaun hodi harí fali nia uma ne’ebé hetan estragu total iha tinan kotuk, nune’e bele rekopera fali hela fatiin ba família na’in 5 iha uma ka’in ne’e, tanba vitíma nia laen káben ho alizadu to’o ohin loron seidauk harí fali sira nia uma ne’ebé anin sobu.
Entretantu distribisaun materíal kontruksaun ba vitima dezastra sira hahú distribui iha postu administrativu Same kontinua distribui ba postu administrativu fatin tolu sira seluk. NFM
