MAP Kontinua Rutina Vasina Karau Ho Manu Iha TL
Naunil Média (Díli), Misteriu Agrikultura Peska (MAP), liu husi Diresaun Nasionál Veternaria (DNV) sei fó rutina vasinasaun atu bele halo prevensaun ba peste moras karau nó mamu iha Timor-Leste (TL).
“Parte DNV sei kontinua fó vasinasaun hodi prevene ba moras ne’ebé sei hamate karau no manu inklui Animal sira seluk hanesan babain la’o rutina nafatin ho programa tratamentu bá animal hotu iha teritoriu Timor laran tomak”Dehan Diretóra DNV Joanita Jong ba jornalista sira, iha salaun Tower fatuhada, Quarta, (30/06) .
Diretóra ne’e haktuir, Tanba moras ne’ebé maka afetadu manu timor no oras ne’e dadaun ejiste hela, ho naran New castel dises ida ne’e hamate manu timor barak.
“Entaun ita programa vasinasaun regular kada tinan dala tolu, marsu, jullu ho novembru, ida ne’e maka dalan uníku bá prevensaun moras moras ida ne’e, Governu kontinua liu husi diresaun nasional veterinaria, ami kontinia fó ami nian asistensia ba ida ne’e.” Tenik nia
Joanita Jong informa Kona-ba prevensaun moras karau nian, (DNV) sei kontinua fó vasinasaun nune’e peste ne’e rasik labele hamate karau.
“Ami kontinua nafatin halo programa vasinasaun ba karau, liu liu ba moras peste Hemoragia Sepisemia ne’e maka peste ida halo karau nia kakorok kleuk, karaun kaben sulin no karau nakoron no kuandu karau ne’e la’o loron manas nia kolen bele hatun nia sistema imunidade hodi peste ne’e bele kona.” Tenik nia
Diretora ne’e dehan dalaruma iha Timor-Leste karau barak sei kesi iha fatin hotu hotu no dalan úniku ita halo maka liu husi vasinasaun”tenik Nia.
Ikus liu Joanita hateten, Foin dadaun situasaun covid-19 parte DNV hamutuk ho kompañia manan konkursiu sira konsege importa aimoruk vasinasaun karau nian mai Timor-Lest, Agora ne’e distribui ona ba munisipiu sira, dadaun ne’e halo hela vasinasaun iha kampu. Ina
