RHTO Sei Luta ba Ema ho Defisiensia Seida’uk Hetan Subsídiu $100.00
Naunil Media (Manufahi), Projec Manager RHTO (Ra’es Hadomi Timor Oan), Eduardo Tilman, hateten sei servisu hamutuk ho Partnership For Human Development (PHD) no Komisaun Anti Korupsaun (CAC-Sigla Português) hodi halo indentifikasaun ba problema ne’ebe akontese ba maluk defisiente hirak ne’ebe la hetan subsídiu $100.00 hosi Governu relasiona ho COVID-19.
“Ami sei halo kolaborasaun ho Partnership For Human Development (PHD) no Komisaun Anti Korupsaun, hodi haree problema ne’ebe mak akontese ba maluk defisiensia ne’ebe mak sempre sai vítima, nune’e ikus mai ema ho defisinte sira labele sai vítima ba programa Governu nian”, Projec Manager RHTO, Eduardo Tilman, ba jornalista sira iha edifísiu Radiu Komunidade Manufahi, Postu Administrativu Same, Sesta (11/09).
Nia Argumeta, tuir loloos ema hotu-hotu tenke asesu subsídiu hosi Governu kona-ba osan COVID-19 maibe realidade maioria ema ho difisiensia la hetan no sira konsidra ida ne’e hanesan diskriminasaun.
“Kazu ne’ebe mak akontese ba maluk ema ho defisiensia hetan vitima iha munisipiu manufahi iha nain ida (1), tanba maluk defisiensia ne’e nia la forma família maibe hela ho nia alin feto e maluk defisiensia hetan diskrimisaun husi nia autoridade rasik”, tenik Nia.
Tuir Nia, kazu ne’ebe hanesan la’os akontese de’it iha Manufahi maibe akontese mos iha munisípiu sseluk.
“Ami koko kontaktu ho MSSI no CAC hodi rezolve problema ne’ebe mak akontese, iha duni rezultadu ba maluk defisiensia ne’ebe sai vitima hodi asesu duni ba subsidiu COVID-19 ne’e”, informa Nia
Kona-ba problema refere durante ne’e, RHTO koko halo komfirmasaun ho FONTIL hodi husu komfirmasaun loloos kona-ba subsidiu $100.00 ne’ebe Governu distribui ba iha munsipiu seluk atu hatene loloos kona-ba direitu ba sidadaun difiseinsia sira. tanba durante ne’e FOGNTIL mak monitorin teritóriu laran hodi hetan dadus loloos. Nico
