Fulan-Jullu CMCLN hahú Rejístu Timoroan ne’ebé mate iha Funu Laran
Naunil Media (Manufahi), Presidenti Consellu Munisípal Conselho Municipal Combatente da libertasão nacional (CMCLN sigla portugés), munisípiu Manufahi Tobias Amaral Magno Maksakur, Informa iha fulan-Jullu tinan ne’e, hahú hala’o rejístu ba timoroan ne’ebé mate iha tempu funu laran, tuir uma lisan ida-idak iha munisípiu Manufahi.
“Iha loron 28 fulan-Juñu CMLN simu ona karta sirkulár husi ministériu asuntu kombatenti libertasaun nasionál, prepara membru rejístu na’in 2, tuir suku no akompaña husi sekretáriu núrep na’in 1 ho sefí suku, hodi hala’o prosesu rejístu ba timoroan sira ne’ebé mate iha tempu rejisténsia, tuir uma lisan ida-idak iha suku 29 ne’ebé lokalíza iha munisípiu Manufahi, haktuir Tobias ba Jornalista iha kna’ar fatin postu Same munisípiu Manufahi foin lalais ne’e.
Nia hatutan, dadaun ne’e prepara ninia membru na’in 2 sei ba tuir formasaun iha Díli iha loron 16 fulan Juñu 2021, hafoin remata formasaun bele hahú ona prosesu rejístu iha munisípiu Manufahi.
“Kona-bá prosesu reverifikasaun dadaus veteranu ne’ebé rejístu iha tinan 2009, ne’ebé paradu durante pandémia Covid-19, tó agora seidauk reativa fali, maske Ministériu asuntu kombatenti libertasaun nasionál fó sai ona iha média nasionál balun, atu reativa fali prosesu rejístu ba dadus veteranu, maibé CMCLN rasik seidauk simu orentasaun husi munistériu relevante”, Katak nia,
Maksakur subliña dadus veteranu munisípiu Manufahi dadaun ne’e veteranu rejístu tinan 2009, foin hahú verifikasaun iha postu administrativu Turiscai, maibé paradu tiha, tanba pandémia Covid-19, no postu administrativu Fatuberliu, Alas no Same to’o agora seidauk realiza. NFM
