SEKOMS “AKARA” Konsidera Povu Mak Nain Ba Estadu
Naunil Media (Liquiçá), Sekretáriu Estadu Komunikasaun Sosial (SEKOMS sigla portugés) Merício Juvinal dos Reis “AKARA”, Konsidera povu mak nain ba estadu.
Asuntu ne’e deklara SEKOMS Merício Juvinal dos Reis “AKARA”, bainhira ható nia diskursu iha diálogu komunitáriu, iha suku Fahilebu, Postu-Administrativu Bazartete, Munisípiu Liquica foin lalais ne’e.
“Ha’u hanoin diálogu komunitáriu ne’e atu fasilita informasaun, tanba ita bo’ot sira mak sai nain ba estadu, tanba ne’e governu hakarak marka nia prezensa iha fatin hotu no iha responsabilidade ható prioridade governu nian ba ita bo’ot sira”, Dehan “AKARA’.
Nia hatutan, husi diálogu ida ne’e mós presiza kolabora ho media no konsellu imprensa hodi divulga informasaun ba to’o nasionál.
“SEKOMS nia kna’ar mak fasilita komunikasaun hodi fahe informasaun lala’ok governu nian iha tempu hanesan atu rona preokupasaun komunidade nian iha terenu no area rurais sira”, Katak nia.
Tuir Xefí Suku Fahilebo Marcelino Da Cruz agradese ba SEKOMS ne’ebe mak hakat tó iha Suku Fahilebo, espera katak Programa Naroman ba suku ne’e sei halo naroman iha suku Fahilebo.
Suku Fahilebo kompostu husi aldeia 3 Mak Hanesan, Tuhilo Leten , Tuhilo Kraik no Fatuneso ho total Uma Kain 321 no l Populsaun hamtuk 1.646. #Lop
