Asidente Ainaru, Ekipa Avansadu F-FDTL Nain Ida Lakon Vida

Naunil Média (Díli),  Asidente ekipa avansadu Falentil-Forsa Defeza de Timor-Leste (F-FDTL),  ho karreta Hilux Ford kór mutin ho xapa matríkula 26.17, iha asidente ne’e rezulta Membru F-FDTL Julia da Conçiao lakon vida no nain lima seluk kanek todan.

Asidente ne’e akontese iha Munisipiu Ainaru, Postu Administrativu Hatubuliku, Suku Nunumoge, rezulta Membru F-FDTL, Soldadu Julia da Conceião husi Komponente Navál lakon vida, inklui nain lima seluk kanek todan.

Membru nain Lima seluk ne’ebé kanek todan ekipa saúde Militar evakua kedas ona nó fó tratamentu maibé depois oinsa sei lori mai Díli.

Maske asidente ne’e kauza Membru nain ida mate, no nain lima seluk kanek todan, maibé tour Falintil ba dame sei kontinua halo opersaun nafatin, tanba operasaun hothotu iha nia risku, riku hirak ne’e nunka entrope operasaun sira.

Alende ne’e iha estatutu Militar mós iha regulamentu sei la’o tuir regulamentu ne’e katak Intituisaun F-FDTL sei tau matan ba matebian nian mate. MJ7