Horikalan PNTL Kaptura Joven Nain Ha’at Iha Fronteira, Deskonfia Fila Husi Indonesia
Naunil Média (Díli), Komandante Unidade Patrullamentu Fronteira (UPF), Superintendente Euclides Belo informa, Horikalan opersaun ne’ebé maka halo husi Polisia Nasionál Timor-Leste, (PNTL), kaptura joven nain ha’at deskonfia foin fila husi Nasaun Vizinu Indonesia.
“Atu informa de’it horikalan ita halo operasaun ko’ordena ne’ebé maka halo husi PNTL Munisipiu Bobonaro UPF servisu hamutuk ho sekreta sira iha area Bobonaro, liu-liu iha Maliana, aguarda tan sidadaun nain ha’at, ne’ebé deskunfia sira fila hosi Nasaun Indonezia,” Dehan Komandante UPF Euclides Belo, iha Sentru Formasaun Polisia, Comoro, kuarta, (25/08).
Nia haktuir, Joven nain ha’at ne’e iha hela prosesu idnetifikasaun.
“ Agora dau-daun sidadaun timor-oan nain ha’at ne’e iha hela prosesu identifikasaun no sei entrega ba parte saúde Munisipiu Bobonaro nian hodi evita propagasaun virus Covid-19.” Tenik Komadante ne’e.
Euclides saliente, Alende joven nain ha’at ne’e, horikalan iha postu Alto Lebos mós simu sidadaun ida hosi Maliana ne’ebé entrega a’an ba ita nia membru PNTL no F-FDTL submete ona ba kuarantena tanba deskufia fila hosi IIndonezia.
“ Husu ba komunidade sira iha liña fronteira atu informa ba parte seguransa karik deskunfia Timor-oan balu ne’ebé deskunfia fila husi nasaun viziñu Indonezia hodi kumpri protokolu saúde nian,” Nia Apelu.
Ikus liu nia hateten, Sidadaun ne’ebé komete irregularidade hodi kontra Lei, tenke kumpri uluk lai protokolu saúde nian depois mak hatan ba prosesu tuir mai.” MJ7
