PM Taur Tristeza Rona Dom Basilio Hakotu Nia Jornada Moris

Naunil Media (Díli), Primeiru-Ministru Taur Matan Ruak triste Amu Bispu Baucau Dom Basílio do Nascimento nia mate.

 “Há’u sente triste tebes, wainhira rona notisia tristeza kona-bá Amu Bispu Baucau Dom Basílio do Nacimento nia mate”, Dehan PM Taur Matan Ruak liu husi komunikadu imprensa, iha Palásiu Governu, Sabadu (30/10).

 Eis Prezidente Repúblika ne’e hatutan, Há’u la espera katak ita nia Amu Bispu bele hasoru situasaun hanesan ne’e, maibé ne’e Nai Maromak nia planu ita hotu la espera.

Nune’e hodi há’u nia naran rasik, há’u-nia espoza no Governu Timor-Leste nia naran, hakarak ható profunda sentidas kondolensias ne’ebé klean ba família hosi Amu Bispu nian em partikular, sarani Dioseze Baucau no Uma Kreda Timor-Leste,  lakon bibi atan di’ak ne’ebé serbi ona Dioseze Baucau besik tinan 25, Dehan PM Taur ho triste.

Mai ita hotu hasa’e orasaun ba Aman Maromak atu simu ita-nia saudozu iha Nai nia Kadunan Santu no husu atu kontinua tau matan mai ita. Ana