DNTT, “Dukur” Kondutor Tahi Wacu Lospalos-Dili BM, La Konsidera Aviza Tarefas
Naunil Media (Dili), Maske Servisu Diresaun Nasional Transporte Terestre DNTT Munsipiu Lautem aviza ona ba Bus diresaun Dili-Lospalos hodi evita kondutor hasa’e folin pasajeirus $10.
Maibe bus diresaun Dili-Lospalos kontinua hasa’ae folin ho folin kada pasajeiru $10 la’os hanesan babain $8.
Hafoin Jornalista Naunil Media, hala’o viagen husi Dili mai Lospalos, iha loron domingo ho bus Tahi Wacu, kontinua kombrasa pasajeirus ho folin $10.
Iha kombrasa ne’e, funu liafuan entre pasajeirus ho ajudante, tanba pasajeiru selu de’it $8, maibe pasajeirus ne’e mos lakohi selu $10, nune’e hamosu funu liafuan, maibe kondutor ho pasajeiru hateten, agora ne’e bus hotu hotu selu $10 dolar tanba folin kombustivel sa’e.
Maske Servisu Diresaun Nasional Transporte e Terestre (DNTT), Munisipiu Lautem, iha loron (17/10), aviza ona ba Bus diresaun Lospalos-Dili, hodi evita kontudor hasa’e folin pasajeirus $10.
Bus ne’ebe kontra regras ne’e sei hapara lisensa imediata, maibe realidade bus kontinua hasa’e folin.
Aviza ne’e bazeia ba despaisu númeru 226/v/2015/ GVMOPTC/MOPTC Ne’ebé fo sai iha loron 30 de Maiu 2015, hodi hatudu ona tarifa Dili Lospalos folin permanente.
Razaun DNTT Lautem hatun aviza ne’e bazeia ba despaisu númeru 226/v/2015/ GVMOPTC/MOPTC Ne’ebé fo sai iha loron 30 de Maiu 2015, hodi hatudu ona tarifa Dili Lospalos folin permanente ho $8.
DNTT mos taka ona, emprezariu no motirista Bus Lospalos-Dili labele kontinua viola regra ne’e, tanba bazea diploma Ministerial númeru 3/MTCOP2003 hatur ona iha artigu 16 sei halo kanselamentu ba licensa.
Iha Avizu ne’e DNTT manda mós ba autoridade Munisípiu mak hanesan administradór Munisípiu Lautém, Komandante PNTL Munisípiu Lautém hodi nune’e kontrola nafatin ba transporte publiku liu-liu bus Lospalos ne’ebé ba mai Dili Lautem.
tuir informasaun ne’ebe naunil asesu katak bus balun mantein ho folin pasajeiru $8 maibe balun kontinua hasa’ae folin. Latu
