MKAE:Reklamante Validu Iha Direitu Asesu Sexta Bazika

Naunil Média (Díli), Programa sexta Basika hanesan programa Governu Kontituisinal Da-Walu nian, ne’ebe halo rekuperasaun ba ekonomia povu Timor-Leste nian.

Programa ne’e maioria iha povu TL asesu ona, maibe balun seidauk asesu.

Nune’e Ministru Kordenador Asuntu Ekonomiku Joaquim Amaral, hateten, ba reklamante sira ne’ebe validu tenke liu husi autoridade sira maka bele hetan direitu hodi bele simu Sexta Baziku 

Maibe ba sira ne’ebe reklama tarde  laiha tan ona direitu atu asesu ba programa sexta baziku ne’e

Nia Haktuir,  reklamante sira iha indentifikadu hotu ona, no fulan ida ne’e ba reklamante sira sei rezolve.

”Distribuisaun hotu ona, no agora konsentra deit hare’e reklamante sira ne’ebe maka iha, no tenke valida maka halo distribuisaun.

Tanba ne’e, reklama ne’e ema hotu reklama maibe se ita haree kontestu reklama tuir prosesu neebe iha nia periodu reklamasaun, ita labele servisu laiha kalendariu, hotu tiha depois aban ida mai reklama, i bain rua ida mai reklama tan fali,” Dehan Ministru MKAE, ba jornalista, sira iha PN, Kinta,(18/11/).

Joaquim afirma, mekanizmu ba distribusaun nee universal,entaun prosesu atu reklamasaun mos iha nia periodu ida atu halo reklamasaun.

“se periodu nee nia liu deit ne’e signifika katak, nia lakon tiha ona ninia forsa atu reklama nia direitu nee.

Nia hatutan, distribusaun termu atu simu nee halo iha suku, entaun ba sira neebe laiha oportunidade atu reklama sira nia direitu, no iha tempu mos atu define.

Iha fatin hanesan, Deputadu Bankada FRETILIN, Antoninho Bianco,informa,reklama tenke hatama ninia reklamasaun.

“exemplu nia vitima se lakohi reklama entaun labele hetan.

Nia akresenta,Ba reklamante sira katak, hau seidauk hetan entaun ba iha Xefe Aldeia depois ba iha Xefe Suku haruka ba, se la hato’o maka sei labele hetan tanba naran laiha duni.

tanba nee,husu ba reklamante sira labele koalia deit, tenke liu husi Xefe Aldeia ba fo naran ho ema nain hira, depois maka Xefe Aldeia hato’o ba Xefe Suku i ba to’o iha parte relevante sira hodi bele simu fali imi nia direitu,”tenik nia.Ana