Parlamentu Foin Sa’e Aprezenta Asuntu 5 Ba PR “Lú Olo”
Naunil Media (Díli), Parlamentu Foin Sa’e Periodu da haat aprezenta asuntu lima (5) ba Prezidenti Repúblika (PR) Frncisco Guterres “Lú Olo” bazeia ba polítika nasionál no mós liu-liu ba joven ho Edukasaun, Saúdavel, empregu, partisipasaun Civika no violensia ou krime.
Lia hirak ne’e hato’o husi Koordenadór Parlamentu Foin Sa’e periodu dahaat Andre Zilman Sarmento Paulo ba jornalista sira hafoin aprezenta tematiku ba Prezidenti Repúblika Francisco Guterres Lú Olo iha palásiu Prezidensiál Nicolau Lobato Bairru Pite, Sexta (14/01/22).
“Rezultadu ida ne’e mai husi ami membru Parlamentu Foin Sa’e sira hotu, husi postu 63 no sub reziaun 2 no rezultadu ida ne’e kobre tomak área tematiku sira ne’ebé iha polítika nasionál joventude nian, liuliu joven ho Edukasaun, joven ho moris saudavel, joven ho empregu no empregalidade, joven ho partisipasaun Civika no joven ho violensia no krime,” dehan Koordenadór Parlamentu Foin Sa’e periodu dahaat.
Koordenadór Parlamentu Foin Sa’e ne’e fiar katak Prezidenti Repúblika, mak besik liu ho orgaun soberania sira hotu no dokumentu ne’ebé ohin sira entrega ne’e, fiar katak wainhira iha enkontru semanal ho orgaun sira hotu liuliu governu bele mós hato’o rezultadu ida ne’e, ba sira no mós orgaun sira seluk hodi hola medida ruma ba rezultadu sira ne’ebé sira hetan ne’e.
Membru Parlamentu Foin Sa’e periodu dahaat ne’ebé mai aprezenta tematiku ba Prezidenti Repúblika ne’e akompaña mós husi Sekretáriu Estadu Juventude no Desportu (SEJD), no mós rezultadu ne’ebé sira produz iha nia plenaria dahuluk iha loron 24 no 25 fulan Agostu tinan 2021
Iha enkontru ne’e Prezidenti Repúblika mós fó mensajen ba sira Parlamentu Foin Sa’e no joven sira mak, oinsá nafatin tane aas ka dignifika nafatin luta ne’ebé jerasaun antigu sira halo, no liu husi esforsu sira ne’ebé agora halo mak nafatin estuda no hamutuk ho joven sira seluk hodi prepara aan di’ak liu tan nune’e kontinua estafeta ba tempu ida ne’ebé to’o ona ba jerasaun foun sira
Jornalista *Jos
Editór Lop
