FONGTIL-USAID Halo Lansamentu Programa REBAS Iha TL
Naunil Média (Díli), Forum organizasaun não Governamentál Timor-Leste (FONGTIL), hamutuk h United Estates Agency for Internasionál Development (USAID), halo lansamentu ba programa Rede ba Saúde (REBAS).
Diretóra ezekutivu FONGTIL Elizabeth Lino Araújo, hateten, , Lansamentu ne’e FONGTIL ho USAID iha kolaborasaun servisu.
“ Atraves hosi USAID nia aktividades, sustenabilidade sistema saúde ne’ebé foka liu ba iha hakbi’it governu Timor-Leste nia abilidade atu governa Finansia no fornese servisu saúde ida ne’ebé efetivu no sustenabilidade liu atu hala’o ida ne’e responsivu no akontabel ba sosiedade sivil.” Dehan Diretóra ezekutivu FONGTIL Elizabeth Lino Araújo, Timor Plaza, kinta (5/5)
Nia haktuir, REBAS ne’e hari’i hosi FONGTIL nune’e husu ba Ministeriu Saúde (MS), konselera REBAS iha Timor-Leste ne’ebé hanesan pareseiru ida ne’ebé mak kritiku.
“ La’osdehan katak MS tenki tau osan ba REBAS, maibé ho MS nia kordenasaun, komunikasaun ho REBAS, ida ne’e tau hanesan pontu ida katak saida mak rede ba saúde ne halo ita bo’ot sira konsidera.” Tenik nia
Iha fatin hanesan enkaregadu, Embaixador Amérika iha Timor-Leste, Tom Daley, akresenta, lansamentu ida ne’e pasu importante ida ba oin iha USAID nia apoiu ba Timor-Leste hodi promove servisu saúde inklusivu, efetivu ho kualidade ba povu Timor-Leste.
Nune’e sei ajuda moviliza profesionál saúde sira iha baze hodi bele melhora rezultadu saúde hodi garante moris di’ak ba komunidade sira.
Vise Ministru Saúde, Bonifasio dos Reis maucoli, lori MS nia naran hato’o agradese tanba bele partisipa iha lansamentu REBAS hosi FONGTIL.
“ MS tau konsiderasaun no rekoñese katak, kolaborasaun no kooperasaun hamutuk ho parseiru dezenvolvimentu sira inklui ajensia Nasoens unidas no ajensia doadores mak pertinente tebes atu alkansa vizaun no lisaun ne’ebé defini tiha ona iha planu estratéjiku dezenvolvimentu Nasionál iha setor saúde”. Haktuir nia.
Iha lansamentu ne’e hetan partisipasaun husi Diretóra ezekutivu FONGTIL, ho parseiru enkaregadu negósiu embaixada estadu unidus Amérika, USAID iha Timor-Leste, Vice Ministru saude, reprezentante ONG lokál no internasionál. LTS
