PR “Lú Olo” Husu Embaixador Foun Aselera Fiber Optik Mai TL
Naunil Media (Díli), Hafoin Simu karta kredensial Prezidente Repúblika Francisco Guterres “Lú Olo” husu Embaixador foun no Governu Austrália oinsá ajuda aselera Fiber Optik mai Timor-Leste (TL) nune’e bele hasa’e kapasidade Internet.
Vice Ministru Negósiu Estranjeiru no Kooperasaun Julião da Silva hato’o lia hirak ne’e ba jornalista sira hafoin akompaña Prezidente Repúblika simu karta kredensial husi Embaixador foun Austrália Willian Terrence Costelo, iha palásiu Prezidensiál Nicolau Lobato Bairru Pite, Sexta, (25/02).
“Mas ohin importante liu depois simu karta kredensial iha reuniaun ne’ebé Prezidente Repúblika ho Embaixador foun iha pontus rua tolu importante ne’ebé Xefe estadu foka liu mak ida oinsá mak guvernu Austrália bele ajuda hodi aselera Fiber Optik mai TL atu nune’e bele hasa’e kapasidade asesu sidadaun nian ba Internet,” dehan Vice MNEK
Vice MNEK hatutan iha sengundu pontu ne’ebé mak Prezidente Repúblika mós husu liu atu governu Austrália bele fó kontinuasaun servicu hamutuk Ministeriu Negósiu Estranjeiru no Koperasaun bolsu estudu ba sidadaun sira.
Nia dehan, Iha terseiru pontu PR “Lú Olo” mós husu governu Austrália Austrália kontinuasaun boa vontade atu ajuda hodi dezenvolve investimentu Portu Hera no Airo Portu Nicolau Lobato ne’ebé mak guvernu hahú dadauk ho nia dezenu ne’ebé konstrui tinan oin mai tan.
Julião hateten ohin estadu Timor-Leste marka Historia hanesan Embaixador foun husi Austrália aprezenta ona karta kredensial ba Prezidente Repúblika, loloos ne’e aprezenta iha tinan kotuk maibé tantu Timor-Leste no Austrália infrenta situasaun Covid-19 ne’ebé mak númeru mós bo’ot iha Austrália tanba ne’e mak Embaixador foun ne’e lakonsege mai aprezenta karta kredensial.
Nia esplika, Agora Embaixador foun livre ona no sira bele mai ona aprezenta karta kredensial ba Prezidente Repúblika no hahú ohin hala’o nia atividade hanesan Embaixador Austrália iha Timor-Leste, tanba antes ne’e Embaixador Peter Robert nia mandatu hotu ona iha tinan kotuk 2021. Jos
