Kondisaun Estrada Aat Komunidade Postu Baguia La Asesu Merkadu
Naunil Media (Baguia), Kondisuan estrada aat sai difikuldade ba komunidade sira atu asesu ba merkadu lokal no nasionál, iha postu adminitrativu Baguia, munisípiu Baukau.
Tuir komunidade Apolinario Antonio de Oliveira informa, Iha tinan 2021 ministru obras públika haree ona estrada, maibé dehan halo tederizasaun to’o ohin loron seidauk hatudu realidade.
“Komunidade iha produtu barak atu lori ba merkadu lokal no nasionál, maibé difikulta mak ami nia estrada la di’ak liuliu iha postu administrativu Baguaia”,dehan komunidade Apolinario Antonio de Oliveira ba jornalista sira iha nia moris fatin Baguia, suku Hae-koni, kuarta (11/05).
Apolinario afirma, Hotu-hotu haree ho matan liu-liu governu dezde ukun aan dehan foho matebian mak sai hanesan fatin istória ba nasaun Timor.
“ Maibe estrada mak sai difikulta sira lori produtu ba merkadu”, katak nia.
Nia akresenta, Governu labele mai ho polítika iha tinan lima mai ho promesa oin-oin de’it sai ona xefe governu laiha implementasaun ne’ebé di’ak.
Uluk primeiru ministru Taur Matan Ruak nia tempu mai ko’alia katak ita Baguia mak sai uma na’in, bainaka han etu di’ak uma na’in han etu motuk, maibé ami seidauk senti Timor nia furak, ami hakarak governu hadi’a ami nia estrada atu nune’e ami mós bele asesu ba merkadu, nia haktuir. Apolinario hatutan, Iha semana hirak liu ba konsellu ministru aprova ona bainhira loos mak halo tenderizasaun ba estrada husi Baucau-Laga to’o Baguia. Ana
