TL Rejistu HIV/SIDA Hamutuk 1582, No Mate 268
Naunil Media (Díli), Tuir Prezidente Programa Institutu Nasional Kombate Human immunodeficiency virus / acquired immunodeficiency syndrome (HIV/SIDA Sigla Ingles) Atanazio de Jesus informa, Iha Timor-Leste rejistu Virus HIV/SIDA Hamutuk kuaze 1582, no mate 268.
“Hosi 2003 too marsu 2022 ami rekolla dadus HIV/SIDA nian hamutuk 1582 pessoas. Hosi total nee kuaze 268 pessoas mak mate ona, 814 pessoas mak halo hela tratamentu no restu hosi nee 315 pessoas mak la ativu ona, sira troka identidade no la halo tratamentu no seluk lakoi halo tratamentu”, Dehan Prezidente INKH ba NaunilMedia iha AHHA Education foin lalais ne’e.
Nia hatutan, Atu hamenus HIV/SIDA tenke hapara ita-nia kaan no ita nia gostu, no tenke hapara Seks livre iha Tasi Ibun, iha Kost, no iha Hotel.”
Nia hateten iha Timor-Leste Munisípiu haat mak sai zon MEAN BA HIV/SIDA.
“Iha Munisipiu haat mak sai zona mean ba HIV, Baucau,Díli,Maliana no Oe-Cusse.Munisípiu Díli maske rai kiikoan, maibé HIV sa’e makaas kuaze 800 resin mak rejistu ona”, katak nia.
Iha fatin hanesan Estudante AHHA Education Vanessa Reis Sente kontente tanba bele fahe ona informasaun ba sira hodi hadook an hosi tentasaun sira ne’ebé mak bele hamonu sira ba Virus HIV/SIDA.
Iha programa ne’e akonpaña hosi reprezentante Ministeiru Solidadriedade Sosial no Inkluzaun (MSSI), Florencio Gonzaga hetan Partisipasaun Maximu hosi estrutura AHHA ema hamutuk 753. Rit/Mj6
