PR Horta Fahe Hanoin Estratéjiku Hodi Ajuda Nasaun g7+

Naunil Media (Díli), Prezidente Repúblika (PR), José Manuel Ramos Horta, fahe hanoin estratéjiku hodi ajuda nasaun membru g7+ ne’ebé dadaun ne’e infrenta hela konflitu, frajilidade, no krize humanitaria.

“Durante hala’o enkontru, Prezidente Ramos Horta hanesan mós Enviada Special g7+, fahe mós hanoin estrategiku hodi ajuda nasaun membru g7+ sira ne’ebé agora dadauk enfrenta hela konflitu, frajilidade no krize humanitarian bele hetan solusaun ba sira nia problema hodi harii estadu ida moris iha dame nia laran,” dehan Xefe estadu ba Jornalista sira hafoin remata vizita sekretáriadu g7+ iha Palásiu Guvernu, Sengunda (20/06).

Horta hatutan ho vizita ne’e hodi rona direita progresu servisu g7+ nian no fahe informasaun kona-ba nasaun membru g7+ sira nian nu’udar momentu ida importante atu hetan idea no opiniaun xefe estadu relasiona ho situasaun krize geopolitika ne’ebé akontese iha mundu agora.

Nia dehan Iha tinan 3 liuba, iha enkontru Ministeriál g7+ ba dala lima ne’ebé hala’o iha fulan Junho 2019 iha Lisboa, grupo g7+ koletivamente nomea ona aktual Prezidente Repúblika José Manuel Ramos Horta nu’udar Enviada Spesial g7+ nian, no mós enkontru iha altura ne’ebá partisipa husi Ministru Planeamento, Finansas no Pontu Fokais husi nasaun membru g7+.*/Jos