MS-AMD Realiza Worshop  Diagnostika Ba  Planu Integradu Kuidadu Saúde Iha Munisípiu 3

Naunil Media (Díli), Governu Timor-Leste liu husi Ministeiriu Saúde (MS) servisu hamutuk ho Autoridade Munisípiu Díli (AMD) realiza Worshop kona- bá Diagnostika Partisipativu no dezemvolvimentu Planu Mikro Integradu ba Kuidadu  Saúde primaria iha Munisípiu Tolu(3), kompostu husi Díli, Ermera no RAEOA iha fulan Setembru no Ouuutubru 2022.

 Diretora Gerál Prestasaun Servisu Saúde, Odete da Silva Viaegas informa, Ohin atividade ida ne’e mak importante tebes, oinsa atu bele haforsa sistema saúde no família sira, espesialmente ba iha kuidadu saúde primaria, maibé ezersisiu ne’ebé mak halo  mak ministeiriu saúde hamutuk ho governu Austrália, DFAT apoiu sistema saúde oinsa bele haforsa liu-liu iha kuidadu saúde primaria.

“Ida ne’e asuntu importante ida ne’e mak atu halo ona iha Munisípiu Díli, Rejiaun Administrativu Oe-Cusse Ambeno (RAEOA) no Ermera, iha aprezentasaun peskiza problemas ne’ebé mak iha munisípiu Díli durante ne’e hetan, atu nune’e prepara halo planu melloramentu ba iha servisu tuir mai”, dehan Diretora Gerál Prestasaun Servisu Saúde, Odete da Silva Viaegas ba jornalista sira iha Sala CyTe8 Haslaran, Tersa (20/09).

Nia hatutan, haree husi tinan 2000 mai ne’e buat balun sira halo, maibé buat balun mós presija hadia entaun sira nia planu estratejiku postu saúde ne’e rasik inkorpora ona abredajen integradu, ida liu liu atu haree ba sesaun servisu ne’ebé mak integradu inkluzivu no kualidade, komitmentu governu nian liu-liu oinsa profisional saúde sira atu hakbesik liu tan prosesaun servisu iha komunidade.

Tanba ita tenke iha komitmentu humutuk hodi tenke hadia, sei karik ita la hadia, tanba ne’e enkontru sira ne’e ita mai atu hadia, maibé ho ida ne’e, dehan nia.

“Garante katak liuhusi enkontru buat hotu sei la’o ho di’ak, munisípiu Díli ha’u iha konfiansa tomak ba lideransa bele hala’o servisu ne’ebé ita presiza, atu haforsa munisípiu Ermera no RAEOA”,katak nia.

Nia afirma, Worshop ida ne’e durante loron 4 atu bele haklean liu tan servisu saida mak ita bele hadia, ne’ebé ita reforsa iha saúde primaria, maibé ita mós labele haluha nia kontinuasaun husi servisu saúde primaria, ne’e sei mós ba kuidadu saúde sekumdária ne’e maka servisu ospitalares depois kuidadus espesializadu mak sira bolu kuidadus tersearius.

Ita ko’alia kona-bá inovasaun ba iha integrasaun sistema saúde ne’e rasik, enkontru sira hanesan ohin  oinsa atu integra servisu sira hotu, ita espera katak modalidade saúde na família ne’ebé mak iha fatin ona, ita atu hadia Saúde besik liu ba individu no partisipasaun komunidade nian, kompara ho rejiaun Katolika tama iha prosesu ne’ebé mak di’ak, nia saliente.

Tanba ne’e, unidade saude no familia sira buka aprende fali liu husi sira, signifika katak maski nasaun ida ne’e foin harii hanesan nasaun kiik ho limitasaun ne’ebe mak iha maibe  hatudu papel ida ne’ebe mak diak ba rejional no global.

Iha fatin hanesan, Prezidente Autoridade Munisípiu Díli, Antonio Monis Clau hateten, Espetativa loron 4 nia laran hahú husi ohin sira bele hetan planu di’ak ida atu implementa Diagnostiku Partisipativu no dezenvolvimentu Planu Mikro integradu ba Kuidadu  Saúde primaria iha Munisípiu Díli, Ermera, RAEOA.

“Implementa saúde primaria família liu husi vizita família, servisu postu saude sira no Ministeriu saúde sira, tanba ne’e mak ohin hamutuk iha ne’e hodi tetu halo planu no deskobre buat ne’ebé sira sei infrenta atu rezolve iha rai laran”, katak nia.

Husu ba Ministeiriu saúde sira xefe Departamentu no servisu saúde munisípiu sira, atu aproveita planu ne’e ho di’ak hodi implementa no resolve iha saúde primaria no saúde família, nia hakotu. Ana