Maske OJE 2020 Lapasa, Deputadu Kontinua Halo Fiskalizasaun

Fahe Tutan

Naunil Media (Díli, Prezidente Palamentu Nasional (PPN), Arão Noe hateten, maske Orsamentu Jerál Estadu (OJE) tinan 2020 la pasa maibe deputadu sira iha aktividade parlamentu nasionál kontinua funsiona no deputadu sira nafatin halo fiskalizasaun.

Líder orgaun lejislativa, Arão hateten asuntu ne’e ba jornalista sira hafoin enkontru seminal ho Prezidente Repúblika Francisco Guterres ‘Lú Olo’ iha Palasiu Prezidensiál Bairo Pité, Kuarta (19/02/2020).

“Relata ba prezidente republika kona-ba lala’ok no servisu parlamentu nian. Maske orsamentu jeral estadu la pasa iha parlamentu nasional iha loron 17 fulan Janeiru liu ba maibe servisu parlamentu kontinua la’o”, hateten Arão Noe.

Nia hateten liu tan, “atividades plenaria la’o nafatin, servisu parlamentu husi segunda to sesta. Komisaun sira inklui audensia fiskalisasaun, ida ne’e signifika parlamentu funsiona hela ho normal”.

OJE tinan 2020 ho total U$1.6 milloes la passa iha faze jeneralidade, tanba deputadu sira husi bankada governu AMP, husi bankada CNRT mak vota kontra.

Nune’e iha loron 30 fulan Janeiru tinan ne’e, Primeiru Ministru Taur Matan Ruak deklara ona, deputadu CNRT Mak oho mate governasaun AMP. Dms

Leave a Reply

Your email address will not be published.