Lejada Alice Hetan Ameasa Hosi Arguidu MPC

Naunil Média (Dili), Tribunál Distritál Dili (TDD) Halo Julgamentu bá aguidu MPC tanba halo ameasa ba lejada Alice Rodrigues.
Tuir akuzasaun husi Ministeriu Públiku ( MP ), ne’ebé le sai husi Juiz Maria Modesta katak, aguidu MPC nu’udar servisu iha área konstrusaun sivil, arguidu MPC ho lejada Alice nu’udar eis fen no laen iha oan nain tolu, maibé arguidu ho lejada fahe malu iha fulan abril 2018, tanba arguidu deskonfia lejada iha relasaun subar ho mane seluk.
Akontese 29 Maio 2018,tuku haat aguidu MPC hatais kalsa levis uza ho jaket mean taka metin nia ulun no munidu ho tuduk ida modellu kris, Fiska ho Rama Ambon hodi buka tuir lejada Alice.
Husi arguidu nia hahalok ne’e MP kodena arguidu ho artigu 236 númeru 14 hosi kódigu prosesu penál.

Hatan ba akuzasaun ne’e, Aguidu MPC konfesa bá tribunal katak, iha 29 fulan maiu tinan 2018, lejada Alice hetan ameasa husi arguidu MPC ne’e lalaos .
“Ha’u lori sasan kroat hanesan tudik/kris, fiska, ho rama ambo ne’e ba lejada nia uma la’os atu ba oho nia. Maibé nia ba koa’aia ho lejada para atu srani nia oan, maibé sasan kroat nia lori ne’e hodi defende nia an, tanba mane ida ho alice ne’e odi ba nia”, dehan nia iha Tribunal (20/2).
Iha fatin hanesan, lejada Alice nune’e mós sai sasin la aumenta ba hahalok hirak ne’ebé maka husi arguidu katak, arguidu liuhusi uma kotuk hodi tama ba uma laran nunka ko’alia buat ruma ba lejada maibé nia nonok hasai tudik hodi sona ba lejada maka lejada kaer metin nia liman hodi dudu nia maka lejada hakilar.
“Ha’u hamriik iha odamatan maibé nia tama mai uma laran ne’e ha’u la hetan ida, nia nonok hasai tudik atu sona ha’u maka ha’u hakfodak kaer metin tiha nia liman no dudu sai tiha ba liu maka ha’u hakilar apa nauk ten tama, ne’e maka nia tauk no halai maka viziñu sira duni tuir nia maka kaer”, katak nia.
Nia hatutan, arguidu tama ba uma laran ne’e taka metin nia an halo lejada lakoñese di’ak nia, depois viziñu sira kaer tiha arguidu lori fali ba uma maka nia foin hatene.
“Ha’u la koñese nia tanba nia taka nia ulun ho jaket, depois viziñu sira kaer nia lori fali mai maka ha’u foin hatene depois polisia kaptura kedas”,nia hatutan.
Ministeriu públiku akuza arguidu ho krime armas branka ne’ebé existe iha nu.5/2017 hodi fó pena tinan 4, maibé tribunal sei foti desizaun iha loro 6 fulan Maiu tinan 2020, horas 14:00tl.
Iha audensia julgamentu ne’e prezide husi Juis koletivu, Maria Modesta, João Ribeiro, Maria Solana arguidu MPC hetan asistensia legál Defensór Nelson Borgues. RIT