Hadiak Rede Internet MTC Distribúi Sertifikadu Ba Operadór Telekomunikasaun 3
Naunil Media(Dili), Ministru transporte komunikasaun (MTC) Jose Agostinho da silva distribui sertifikadu frekuensia ba operador telekomunikasun tolu hanesa Timor Telekom, Telekomsel no Telemor, hodi bele fasilita servisu internet ba kliente sira.
Ministru ne’e haktuir, objetivu husi distribui sertifikadu atu bele ajuda ou responde ba entidades hotu nia preukupasaun ne’ebe maka dehan durante ne’e internet la’o ladun di’ak.
“Ita atribui sertifikadu frekuensia adisional ba ita-nia operador telekomunikasaun 3 10 mhz iha area 1800 mhz nia, hodi nune’e bele fasilita servisu dadus liu-liu internet, oinsa maka velosidade internet la’o di’ak ba ita hotu ou entidades hotu”, dehan Ministru ba jornalista sira iha salaun ANC Merkadu lama, segunda (24/05.)
Nia hatutan ho husi distribuisaun ne’e espera iha tempu oin mai sei bele garntia diak liu tak kualidade asesu ba interne ho saudavel husi fornesedor tolu ne’e.
“Ohin distribui frekuensia adisional ba operador telekomunikasau sira, liga ba situasaun agora, serka sanitaria konfinamentu obrigatoriu, entaun aumenta ba internet ne’e aas tanba atividade hotu liuhusi online, entaun MTC ho ANC oinsa maka bele esforsu hodi kria kondisaun atu responde ba opiniaun publiku nian”, nia hatutan.
Iha fatin hanesan prezidente Autoridade Nasional Komunikasoens (ANC) Joao Oliveira Freitas haforsa, ANC servisu hamutuk ho operador sira hodi implementa utilizasaun frekuensia, maka kada operador sira sei hetan 10 Mhz.
“Iha atividade ne’e atribuisaun espetroadisional ba operador sira iha banda 1800 mhx, kada operadores fo 10 mhz, TT hetan 10 , Telekomsel 10 Telemor hetan 10 mhz.Entaun ANC servisu hamutuk ho operadores sira hodi asegura implementasaun ba utilizasaun frekuensia adisional ne’e laiha interferensia, ho nune’e wainhira operador sira presija apoiu ruma husi parte ANC atu fasilita sira bele implementa didi’ak ezekusaun 10 mhz adisional ne’e maka ANC disponivel”, prezidente ANC hatutan.
Aleinde ne’e, Diretor teknika Timor Telekom Fransisco Leite, deklara sira sei esforsu hodi hadia faillansu sira ne’ebe maka iha.
“Atribuisaun aspetru ida ne’e ba BTS ho antena, agora ida fali asesu internasional, maibe depende mos ba fornesimentu internet internasional, entaun ekipamentu ne’e nia kapasidade ne’ebe maka dubru, entaun aloka frekurnsia ne’e latuir sequensia atual, entaun ami tenke intende ho ami-nia parseiru sira telekomsel ho telemor, entaun ami-nia ekipamentus ne’e lasuporta maibe ami sei esforsu”,nia relata.
Nia akresenta, espera katak iha fulan junu bele dublifika kapasidade ne’ebe maka atual ne’e, hodi komrimisiu ba estadu, no kontra partida ne’e sei fornese wi-fi gratuita ba eskola sira, fatin publiku sira. RIT
